ខេត្តក្រចេះ ៖ បុរសជាព្រូត្រាក់ទ័រភ្ជួរដីចម្ការម្នាក់ ត្រូវបាននគរបាលស្រុកសំបូរឃាត់ខ្លួន សង្ស័យជាប់ពាក់ព័ន្ធករណីឃាតកម្ម បន្ទាប់ពីបុរសជាតៃកុងត្រាក់ទ័រម្នាក់ត្រូវបានគេប្រទះឃើញសពនៅកណ្តាលដីចម្ការរបស់ក្រុមហ៊ុនដែលកំពុងភ្ជួរដោយមានស្នាមដាច់រយះនៅលើដងខ្លួន ។ ហេតុការណ៍នេះ បានកើតឡើងនៅថ្ងៃទី៧ ធ្នូ…
ខេត្តក្រចេះ ៖ បុរសជាព្រូត្រាក់ទ័រភ្ជួរដីចម្ការម្នាក់ ត្រូវបាននគរបាលស្រុកសំបូរឃាត់ខ្លួន សង្ស័យជាប់ពាក់ព័ន្ធករណីឃាតកម្ម បន្ទាប់ពីបុរសជាតៃកុងត្រាក់ទ័រម្នាក់ត្រូវបានគេប្រទះឃើញសពនៅកណ្តាលដីចម្ការរបស់ក្រុមហ៊ុនដែលកំពុងភ្ជួរដោយមានស្នាមដាច់រយះនៅលើដងខ្លួន ។
ហេតុការណ៍នេះ បានកើតឡើងនៅថ្ងៃទី៧ ធ្នូ ក្នុងបរិវេណដីចម្ការរបស់ក្រុមហ៊ុនមួយ មានទីតាំងនៅឃុំអូរគ្រៀង ស្រុកសំបូរ។ នគរបាលស្រុកសំបូរ បានឲ្យដឹងថា ជនសង្ស័យដែលត្រូវបានឃាត់ខ្លួននេះឈ្មោះ ឌាន នាង អាយុ២២ឆ្នាំ ជាព្រូរត្រាក់ទ័រ ស្នាក់នៅឃុំអូរគ្រៀង ស្រុកសំបូរ ។ ចំណែកជនរងគ្រោះជាតៃកុងនិងជាម្ចាស់ត្រាក់ទ័រដែលបានបាត់បង់ជីវិតឈ្មោះ ជ្រន ជាវី អាយុ២៧ឆ្នាំ រស់នៅ ភូមិឃុំជាមួយគ្នា ។
តាមលោកណយ ស៊ីថាច អធិការរងទទួលកិច្ចការងារព្រហ្មទណ្ឌនៃអធិការដ្ឋាននគរបាលស្រុកសំបូរ បានឲ្យដឹងថា ក្រោយការចុះពិនិត្យលើសាកសពពីក្រុមនគរបាលជំនាញឃើញថា សាកសពរបស់ជនរងគ្រោះមានស្នាមរបួសលើរាងកាយ។ លោកថា ក្រោយសង្ស័យថា ករណីនេះជាអំពើរឃាតកម្ម ទើបនគរបាលសម្រេចឃាត់ ខ្លួនបុរសជាព្រូម្នាក់នេះមកធ្វើការសាកសួរ។ តែបើតាមចម្លើយរបស់ជនសង្ស័យបានប្រាប់មកនគរបាលថា នៅថ្ងៃកើតហេតុពេល កំពុងភ្ជួរស្រាប់តែប៉ែល ភ្ជួររបស់ត្រាក់ទ័របានខូច ។ ពេលនោះជនរងគ្រោះបានចុះទៅរឹតខ្ចៅ និងបានប្រាប់ឲ្យរូបគេបើកត្រាក់ទ័រ ។
ពេលខ្លួនឡើងទៅបើក ទំនងជាវ័តប៉ែលត្រាក់ទ័រត្រូវជនរងគ្រោះមួយទំហឹង ទើបបណ្តាលឲ្យជនរងគ្រោះបាត់បង់ជីវិត ហើយខ្លួនមិនបានដឹងនោះទេ គឺចេះតែបើកភ្ជួរដីបន្តទៅមុខ រហូតមានអ្នកជិះម៉ូតូមកឃើញជនរងគ្រោះដេកនិងបានស្រែក ប្រាប់ទើបខ្លួនឈប់ត្រាក់ទ័រនិងចុះមកមើល ។
ទោះបីជាបែបណា ក៏ករណីនេះជនសង្ស័យត្រូវបានឃាត់ខ្លួន ដោយលោកអធិការរងបញ្ជាក់ថា នគរបាលបានការសម្រាចឃាត់ខ្លួនជនសង្ស័យរូបនេះ ដោយជាប់សង្ស័យក្នុងការសន្និដ្ឋានជាជំហានដំបូង ក្នុងករណីអំពើមនុស្សឃាតដោយអចេតនា ។
ចែករំលែកព័តមាននេះ