ខេត្តព្រៃវែង ៖ ប្រជាពលរដ្ឋមានការភ្ញាក់ផ្អើល កាលពីវេលាម៉ោង៩និង១៥នាទីព្រឹកថ្ងៃទី២៣ ឧសភា បន្ទាប់ពីគេប្រទះឃើញគោ២ក្បាលដែលក្រុមចោរលួចយកមកវះសាច់អស់ នៅសល់តែក្បាល ឆ្អឹងជំនីរ និងគ្រឿងក្នុង ស្ថិតក្នុងភូមិព្រែករាំង ឃុំបន្លិចប្រាសាទ ស្រុកពាមរក៍ ។
ខេត្តព្រៃវែង ៖ ប្រជាពលរដ្ឋមានការភ្ញាក់ផ្អើល កាលពីវេលាម៉ោង៩និង១៥នាទីព្រឹកថ្ងៃទី២៣ ឧសភា បន្ទាប់ពីគេប្រទះឃើញគោ២ក្បាលដែលក្រុមចោរលួចយកមកវះសាច់អស់ នៅសល់តែក្បាល ឆ្អឹងជំនីរ និងគ្រឿងក្នុង ស្ថិតក្នុងភូមិព្រែករាំង ឃុំបន្លិចប្រាសាទ ស្រុកពាមរក៍ ។
លោក ប៊ុន ដន ជាម្ចាស់គោរស់នៅភូមិខាងលើ ឱ្យដឹងថា គោរបស់គាត់ទាំង២ក្បាលជាគោមេ បានបាត់នៅវេលាម៉ោង១រំលងអធ្រាត្រ ឈានចូលថ្ងៃទី២៣ ឧសភា នៅចំណុចកំពង់ដដុតដា ភូមិកើតហេតុ ។ លោកសន្និដ្ឋានថា ប្រាកដជាចោរលួច ហើយភ្លាមៗលោកពុំបានទូរស័ព្ទប្តឹងសមត្ថកិច្ចទេ ព្រោះភ័យពេក ។ គោមេទាំង២ក្បាលនេះ គោរបស់ខ្លួនមួយក្បាល និងមួយក្បាលទៀតជារបស់បង ខ្លួនជាអ្នកមើលថែ កន្លងមកមានឈ្មួញមកសួរទិញដោយឱ្យ១ក្បាលតម្លៃ១ពាន់ដុល្លារ លោកថាមិនលក់ទេទុកចិញ្ចឹម ព្រោះមេគោល្អ ពូជកូនកាត់ ឥឡូវត្រូវចោរលួចបាត់ ។
លោកនិងបងប្អូនប្រជាពលរដ្ឋរស់នៅក្នុងភូមិជាមួយគ្នា បានជួយដើររកតាំងពីម៉ោង១ជាង រហូតដល់ម៉ោង៥ទៅ៦ភ្លឺ ក៏នៅតែរកពុំឃើញ លុះនៅវេលាម៉ោងប្រហែលជាជាង៩ព្រឹក បានលឺដំណឹងថា គេប្រទះឃើញ២ក្បាលត្រូវក្រុមចោរយកមកបកស្បែក វះយកសាច់អស់ នៅសល់តែក្បាល ឆ្អឹងជំនីរនិងគ្រឿងក្នុងបន្តិចបន្តួចប៉ុណ្ណោះ ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ