ចាប់ជនសង្ស័យប្រុសស្រី២នាក់ ក្នុងចម្ការចេក ក្រោយពលរដ្ឋរាយការណ៍ថា មានករណីជួ.ញដូរគ្រឿងញៀ.ន
- កណ្តាល
ខេត្តកណ្តាល ៖ ជនសង្ស័យប្រុសស្រី ២នាក់ ត្រូវបានកម្លាំង អាវុធហត្ថស្រុកកណ្តាលស្ទឹង ចាប់ខ្លួនពីបទចែកចាយ គ្រឿងញៀន ចំនួន០៨ កញ្ចក់…
ខេត្តកណ្តាល ៖ ជនសង្ស័យប្រុសស្រី ២នាក់ ត្រូវបានកម្លាំង អាវុធហត្ថស្រុកកណ្តាលស្ទឹង ចាប់ខ្លួនពីបទចែកចាយ គ្រឿងញៀន ចំនួន០៨ កញ្ចក់ កាលពីវេលាម៉ោង ១១ និង៣០នាទីព្រឹក ថ្ងៃទី០៣ ខែឧសភា ឆ្នាំ២០២៥ ស្ថិតនៅចំណុចចំការចេក ក្នុងភូមិគោកត្រប់ ឃុំគោកត្រប់ ស្រុកកណ្តាលស្ទឹង ខេត្តកណ្តាល ។
លោកវរសេនីយ៍ត្រី ព្រាប សាខន មេបញ្ជាការស្រុកកណ្តាលស្ទឹងបានឱ្យដឹងថា៖ ជនសង្ស័យទី០១ ឈ្មោះ រស់ តឿ ភេទប្រុស អាយុ៣៦ឆ្នាំ មុខរបរជួសជុលរថយន្ត ស្នាក់នៅការ៉ាស់ជួសជុលរថយន្ត ភូមិថ្មី ឃុំថ្មី ស្រុកកណ្តាលស្ទឹង ខេត្តកណ្តាល ។ និង (ធ្លាប់ជាប់ពន្ឋធនាគារព្រៃស រយៈពេល០២ឆ្នាំ ពីបទជួញដូរដោយខុសច្បាប់នូវសារធាតុញៀន) ។ ទី០២ឈ្មោះ នង សៀវម៉ី ភេទស្រី អាយុ២៣ឆ្នាំ មុខរបរកម្មការនីរោងចក្រ ស្នាក់នៅភូមិស្វាយលិច ឃុំគោកត្រប់ ស្រុកកណ្តាលស្ទឹង ខេត្តកណ្តាល ។
វត្ថុតាងដកហូតរួមមាន៖ ម្សៅក្រាម ពណ៍ស ថ្លាសង្ស័យសារធាតុញៀន (ម៉ាទឹកកក) ចំនួន០៨ កញ្ចប់ ,សម្ភារៈប្រើប្រាស់គ្រឿងញៀនមួយចំនួន ,ទូរស័ព្ទដៃចំនួន០៣ គ្រឿង, ម៉ូតូចំនួន ០១គ្រឿងម៉ាកC១២៥ ពណ៍ខ្មៅ ពាក់ស្លាកលេខ ភ្នំពេញ ១JL ៥៧៣២ ,ប្រាក់រៀល ចំនួនមួយម៉ឺនប្រាំពាន់រៀល , ស្លាកលេខម៉ូតូចំនួន០១សន្លឹក (ភ្នំពេញ១KL៧៩៧៧) ។
លោកបានបន្តថា ដោយមានសេចក្តីរាយការណ៍ពីប្រជាពលរដ្ឋ ថានៅចំណុចខាងលើមានករណី ជួញដូរគ្រឿងញៀនក្នុងចំការចេក ភ្លាមៗកម្លាំងកងរាជអាវុធហត្ថស្រុក ដឹកនាំលោកវរសេនីយ៍ត្រី ព្រាប សាខន មេបញ្ជាការស្រុក បានចុះទៅដល់ចំណុចខាងលើ ក៏ បានប្រទះឃើញជនសង្ស័យឈ្មោះ រស់ តឿ កំពុងអង្គុយលើម៉ូតូ ជំនាញបានហៅសួរនាំឆែកឆេរលើដងខ្លួន និង ម៉ូតូទើបរកឃើញ ក្រាមសថ្លា សង្ស័យសារធាតុញៀនចំនួន០៥កញ្ចប់ នៅក្រោមកែបម៉ូតូ ទើបសមត្ថកិច្ចយើងដកហូត និងធ្វើការគាត់សួរនាំ ។ ក្រោយពេលសាកសួរឈ្មោះ រស់តឿ បានសារភាពថា ក្រាមសថ្លា សង្ស័យសារធាតុញៀនចំនួន០៥កញ្ចប់នេះ ខ្លួនបានទិញពីឈ្មោះ សៃ ស៊ីផុន ភេទប្រុស អាយុ២៤ឆ្នាំ មុខរបរមិនពិតប្រាកដ មានទីលំនៅភូមិស្វាយលិច ឃុំគោកត្រប់ ស្រុកកណ្តាលស្ទឹង ខេត្តកណ្តាល ។
លុះដល់ម៉ោង០១ និង០០នាទីរសៀល ថ្ងៃខែដដែល ដោយបានការអនុញ្ញាតពីលោក ឧត្តមសេនីយ៍មេបញ្ជាការ កងរាជអាវុធហត្ថខេត្ត ដោយបានការសម្របសម្រួលពីឯកឧត្តម លាវ ស្រេង ព្រះរាជអាជ្ញា អមសាលាដំបូងខេត្តកណ្តាល និងមានការចូលរួមពីអាជ្ញាធរភូមិ ឃុំ ស្រុក ជំនាញបានចុះទៅដល់ផ្ទះជនសង្ស័យឈ្មោះ សៃ ស៊ីផុន តែបានគេចខ្លួនបាត់ នៅសល់តែឈ្មោះនង សៀវម៉ី (ត្រូវជាសង្សា) កម្លាំងបានឆែកឆេរផ្ទះជនសង្ស័យរកឃើញវត្ថុតាង ម្សៅក្រាមសថ្លា សង្ស័យសារធាតុញៀន ចំនួន០៣កញ្ចប់ បន្ថែមទៀតរួចជាមួយស្លាកលេខម៉ូតូចំនួន០១សន្លឹក (ភ្នំពេញ១KL៧៩៧៧) ទូរស័ព្ទដៃចំនួន០១គ្រឿង និងសម្ភារៈប្រើប្រាស់គ្រឿងញៀនមួយចំនួនបញ្ជូនខ្លួនមកសាកសួរនៅកងរាជអាវុធហត្ថស្រុកតែម្តង ។
បច្ចុប្បន្នជនសង្ស័យទាំង០២ ត្រូវបានកម្លាំងកងរាជអាវុធហត្ថស្រុកកណ្តាលស្ទឹង កំពុងកសាងបញ្ចូនខ្លួនទៅកាន់តុលាការចាត់ការតាមនីតិវិធីផ្លូវច្បាប់ ៕
ចែករំលែកព័តមាននេះ