ខេត្តកណ្តាល ៖ កម្លាំងនគរបាលស្រុកអង្គស្នួល ធ្វើការឃាត់ខ្លួនមនុស្សប្រុសស្រី ចំនួន០៣នាក់ ជាបន្តបន្ទាប់ពាក់ព័ន្ធការរក្សាទុក និងប្រើប្រាស់គ្រឿងញៀន រួមជាមួយគ្រឿងញៀ.ន ចំនួន០៩កញ្ចប់តូច។ ការចាប់ខ្លួននេះ…
ខេត្តកណ្តាល ៖ កម្លាំងនគរបាលស្រុកអង្គស្នួល ធ្វើការឃាត់ខ្លួនមនុស្សប្រុសស្រី ចំនួន០៣នាក់ ជាបន្តបន្ទាប់ពាក់ព័ន្ធការរក្សាទុក និងប្រើប្រាស់គ្រឿងញៀន រួមជាមួយគ្រឿងញៀ.ន ចំនួន០៩កញ្ចប់តូច។ ការចាប់ខ្លួននេះ បានធ្វើឡើងកាលពីវេលា១១និង២០នាទីព្រឹកថ្ងៃទី០៦ ខែឧសភា ឆ្នាំ២០២៥ ចំណុចផ្ទះជនសង្ស័យ ស្ថិតនៅក្នុងភូមិខ្នារ ឃុំទួលព្រេជ ស្រុកអង្គស្នួល ខេត្តកណ្ដាល ។
យោងតាមរបាយការណ៍នគរបាល បានឱ្យដឹងថា កម្លាំងអន្តរាគមន៍ នៃអធិការដ្ឋាននគរបាលស្រុកអង្គស្នួល សហការជាមួយកម្លាំងនគរបាលប៉ុស្តិ៍ទួលព្រេជ ធ្វើការល្បាតពួនស្ទាក់ក្នុងមូលដ្ឋាន លុះដល់ចំណុចកើតហេតុខាងលើ បានប្រទះឃើញជនសង្ស័យ ចំនួន០៣នាក់(ស្រី០១) កំពុងតែអង្គុយនៅមុខផ្ទះ ដោយមានការសង្ស័យ នគរបាលបានហៅធ្វើការត្រួតពិនិត្យរកឃើញក្រាមពណ៌សថ្លា សង្ស័យជាសារធាតុញៀន (ម៉ាទឹកកក) ចំនួន០៩កញ្ចប់តូច ដែលជនសង្ស័យបោះចោលលើដី ទើបកម្លាំងនគរបាលឃាត់ខ្លួន បន្តឆែកឆេរដល់ក្នុងផ្ទះរកឃើញសម្ភារៈមួយចំនួនធំ បញ្ជូនទៅកាន់អធិការដ្ឋាននគរបាលស្រុកអង្គស្នួលដើម្បីសួរនាំ ។
នៅចំពោះមុខនគរបាល ជនសង្ស័យបានឆ្លើយសារភាពថា ថ្នាំញៀននៅចំពោះមុខនេះ ជារបស់ឈ្មោះ លន់ ណាឃីម ទិញមកពីមុខសញ្ញាមិនស្គាល់នៅខេត្តកំពង់ស្ពឺ ក្នុងតម្លៃដប់ប្រាំម៉ឺនរៀល ដើម្បីយកលក់បន្តនិងប្រើប្រាស់ជាមួយឈ្មោះ ខុនភាព ។ កន្លងមកឈ្មោះ លីវ លីហេង ធ្លាប់ទិញថ្នាំញៀនពីឈ្មោះ លន់ ណាឃីម យកលក់បន្ត និងប្រើប្រាស់ ។
ជនសង្ស័យដែលនគរបាលឃាត់ខ្លួនរួមមាន ៖
ទី០១.ឈ្មោះ លន់ ណាឃីម ហៅ(បូ)ភេទប្រុស អាយុ២៨ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិត្រពាំងត្នោត ឃុំម្កាក់ ស្រុកអង្គស្នួល ខេត្តកណ្ដាល ។ ជាមុខសញ្ញាចាស់ (ធ្លាប់ជាប់ពន្ធនាគារខេត្តកំពង់ស្ពឺ០១លើករយៈពេល២ឆ្នាំ បទរក្សាទុកដោយខុសច្បាប់នូវសារធាតុញៀន) ។
ទី០២.ឈ្មោះ លីវ លីហេង ភេទប្រុស អាយុ២៤ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិខ្នារ ឃុំទួលព្រេជ ស្រុក អង្គស្នួល ខេត្តកណ្តាល ។
និងទី០៣.ឈ្មោះ ខុន ភាព ហៅ(ញ៉ា) ភេទស្រី អាយុ២៨ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិស្តុកស្លាត ឃុំភ្នំតូច ស្រុកសាមគ្គីមុនីជ័យ ខេត្តកំពង់ស្ពឺ ។
ក្នុងនោះ នគរបាលដករហូតបានវត្ថុរួមមាន ៖
-ម្សៅក្រាមសថ្លា សង្ស័យជាសារធាតុញៀន (ម៉ាទឹកកក) ចំនួន០៩កញ្ចប់តូច ទម្ងន់២,៧២ក្រាម
-ទូរសព្ទដៃ ចំនួន០៤គ្រឿង ម៉ាក VIVO ចំនួន០៣គ្រឿង និងម៉ាក TecnoSpark ០១គ្រឿង
-កាំបិតផ្គាក់ ចំនួន០១
និងឧបករណ៍ប្រើប្រាស់វេចខ្ចប់ថ្នាំញៀនមួយចំនួនធំ ។
បច្ចុប្បន្ន ជនសង្ស័យទាំង០៣នាក់ រួមនឹងវត្ថុតាង ត្រូវបានកម្លាំងនគរបាលស្រុកអង្គស្នួល កំពុងកសាងសំណុំរឿងបញ្ចូនទៅតុលាការចាត់តាមនីតិវិធី ៕
ចែករំលែកព័តមាននេះ