រាជធានីភ្នំពេញ ៖ ក្រសួងការពារជាតិ បានប្រកាសនាថ្ងៃទី១៤ ខែធ្នូ ឆ្នាំ២០២៥នេះថា ៖ សង្ខេបស្ថានការណ៍នៅតាមបន្ទាត់ព្រំដែនកម្ពុជា-ថៃ អំពីករណីកងកម្លាំងយោធាថៃបន្តការបាញ់ប្រហារ មកលើកងកម្លាំងកម្ពុជានៅយោធភូមិភាគទី៥ គិតចាប់ពីម៉ោង ៨:០០នាទីព្រឹក រហូតដល់ម៉ោង ១៣:០០នាទីរសៀល ថ្ងៃទី១៤ ខែធ្នូ ឆ្នាំ២០២៥
- ម៉ោង ៩:៥២នាទី យោធាថៃ បានបាញ់ផ្លោង ចូលភូមិសាស្ត្រភូមិព្រៃចាន់ ។
- ម៉ោង១០:៣៦នាទី យោធាថៃ បានប្រើប្រាស់យន្តហោះចម្បាំង F-16 ទម្លាក់ចំនួន២គ្រាប់ នៅភូមិសាស្ត្រភូមិថ្មសិន ឃុំនិមិត្ត ស្រុកអូរជ្រៅ ។
- ម៉ោង ១០:៣៨នាទី យោធាថៃ បានប្រើប្រាស់យន្តហោះចម្បាំង F-16 ហោះលើភូមិសាស្ត្រឃុំអូរបីជាន់ ។
- ម៉ោង ១០:៥៨នាទី យោធាថៃ បានប្រើប្រាស់ដ្រូនស៊ើបការណ៍ហោះក្តាប់សភាពការណ៍នៅភូមិ សាស្ត្រឃុំអូរបីជាន់ ។
- ម៉ោង១១:២០នាទី កម្លាំងថ្មើរជើងរបស់យោធាថៃ បានព្យាយាមរុលចូលមកខាងមុខភូមិសាស្ត្រ បឹងត្រកួន ។
- ម៉ោង ១១:៥៥នាទី យោធាថៃបានបាញ់ផ្លោងចូលភូមិសាស្ត្រភូមិព្រៃចាន់។
- ម៉ោង ១២:២៥នាទី យោធាថៃបានបាញ់ផ្លោងចូលភូមិសាស្ត្រភូមិបឹងត្រកួន។
ចែករំលែកព័តមាននេះ