នៅពេលដែលស្រុកកើតមានចម្បាំង ឯកសារដែលគេបានកត់ត្រាជាបន្តបន្ទាប់បានពញាក់ឲ្យគ្រប់គ្នាយកចិត្តទុកដាក់នឹងជំងឺយ៉ាងហោចណាស់៤ប្រភេទ ។ ជំងឺទាំង ៤ប្រភេទនោះ គឺមានជំងឺឆ្លងតាមទឹក និងអាហារ ជំងឺឆ្លងតាមពពួកសត្វមូស ជំងឺផ្លូវដង្ហើម និងជំងឺផ្លូវចិត្ត…
នៅពេលដែលស្រុកកើតមានចម្បាំង ឯកសារដែលគេបានកត់ត្រាជាបន្តបន្ទាប់បានពញាក់ឲ្យគ្រប់គ្នាយកចិត្តទុកដាក់នឹងជំងឺយ៉ាងហោចណាស់៤ប្រភេទ ។
ជំងឺទាំង ៤ប្រភេទនោះ គឺមានជំងឺឆ្លងតាមទឹក និងអាហារ ជំងឺឆ្លងតាមពពួកសត្វមូស ជំងឺផ្លូវដង្ហើម និងជំងឺផ្លូវចិត្ត ។
ឯកសារស្រាវជ្រាវដោយអង្គការគ្រូពេទ្យគ្មានព្រំដែន បានឲ្យដឹងថា នៅក្នុងអំឡុងពេលសង្គ្រាមមនុស្សមានការខ្វះខាតច្រើន ដូច្នេះការហូបចុក និងការរក្សាអនាម័យ គឺមិនបានល្អឡើយ ។ នៅក្នុងស្ថានភាពបែបនេះ ពួកគេងាយស្រួលនឹងរងគ្រោះជំងឺរាគ អាសន្នរោគ ពោះវៀន ។
ដោយឡែក ការបាត់បង់ទីជម្រក ដោយសារតែសង្គ្រាម លំនៅស្ថានត្រូវបានបំផ្លាញ គឺអាចឲ្យពួកគេងាយរងគ្រោះនឹងជំងឺឆ្លងដោយមូសមានគ្រុនចាញ់ និងគ្រុនឈាមជាដើម ។
ក្រៅពីនោះ ជំងឺដែលមិនអាចមើលស្រាលបាន គឺជំងឺផ្លូវចិត្ត ដែលមានដូចជា ជំងឺស្ត្រេស ឬជំងឺធ្លាក់ទឹកចិត្ត ដែលបណ្តាលមកពីមិនមានពេលសម្រាកគ្រប់គ្រាន់ បញ្ហាគ្មានចំណូល គ្មានការហូបចុកត្រឹមត្រូវជាដើម ។
ក្រៅពីនោះ ជំងឺផ្លូវដង្ហើម ក៏មិនអាចមើលស្រាលបានដែរ ពីព្រោះពលរដ្ឋអាចរងគ្រោះនឹងផ្សែងសំណល់ពីគ្រោះមហន្តរាយ ការប្រើប្រាស់អាវុធគីមី និងការប្រឈមមុខនឹងក្លិននៃគ្រាប់រំសែវជាដើម ៕
ចែករំលែកព័តមាននេះ