ខេត្តត្បូងឃ្មុំ ៖ គិតរហូតមកដល់ព្រលប់ថ្ងៃទី៦ឧសភាឆ្នាំ២០២៥ កម្លាំងសមត្ថកិច្ចនៅមិនទាន់ចាប់បានជនសង្ស័យម្នាក់ដែលគេមើលមុខទំនងជនជាតិវៀតណាម មិនទាន់ត្រូវបានចាប់ខ្លួននៅឡើយទេ ។ ដោយសារជននេះបានដាក់ថ្នាំសណ្ដំយកលុយកន្លែងវេរលុយមួយកន្លែងនៅភូមិបេងថ្មី
ឃុំសេដា ស្រុកដំបែរ ហើយបានជិះម៉ូតូរត់គេចខ្លួនបាត់ ស្របពេលដែលកម្លាំងសមត្ថកិច្ចកំពុងតាមប្រមាញ់គ្រប់ច្រកល្ហក។
សមត្ថកិច្ចមូលដ្ឋានបានប្រាប់ឲ្យដឹងថា ទីតាំងកន្លែងវេរលុយនេះគឺមានបន្ទប់បាំងត្រឹមត្រូវព្រមទាំងទុកចន្លោះប្រហោងដែក សម្រាប់អតិថិជនមកទទួលលុយនិងវេលុយហើយមានបំពាក់កាមេរ៉ាសុវត្ថិភាពទៀតផង។
ជាក់ស្ដែងនៅថ្ងៃទី៤ ឧសភា មានបុរសម្នាក់ពាក់មួកសុវត្ថិភាពនិយាយខ្មែរមិនច្បាស់ដែលមើលមុខទៅទំនងជាជនជាតិវៀតណាម បានមកកន្លែងវេរលុយសួរចុះសួរឡើងនិងបានដាក់ថ្នាំសណ្ដំអ្នករងគ្រោះរួចយកលុយខ្មែរចំនួន ៥លានរៀល ហើយប្រញាប់ប្រញាល់ឡើងជិះម៉ូតូគេចខ្លួនទៅបាត់។ភ្លាមៗនោះខាងរងគ្រោះមិនបានផ្ដល់ព័ត៌មានឲ្យកម្លាំងសមត្ថកិច្ចដឹងទាន់ពេលវេលានោះទេ។ទម្រាំតែដឹងគឺជនសង្ស័យនោះបានជិះម៉ូតូគេចខ្លួនពុំដឹងទៅដល់ទីណា។
សមត្ថកិច្ចបានបន្តឲ្យដឹងទៀតថាក្រោយពីមានហេតុការណ៍នេះបានកើតឡើងត្រូវបានបណ្ដាញសង្គមនិងផេកមួយចំនួនបានបង្ហោះពីហេតុការណ៍ដែលបានកើតឡើងនេះចែកចាយបន្តពីមួយទៅមួយ ។ ជាមួយនោះអ្នកនាំពាក្យនៃស្នងការដ្ឋាននគរបាលខេត្តត្បូងឃ្មុំនៅថ្ងៃទី៦ឧសភាឆ្នាំ២០២៥ បានចេញសេចក្តីបំភ្លឺព័ត៌មាន ដែលជាប់ទាក់ទិនទៅនឹងហេតុការណ៍ដែលបានកើតឡើងដោយមានខ្លឹមសារភ្ជាប់ជាមួយនឹងឯកសារ ដូចខាងក្រោមនេះ ៖
ចែករំលែកព័តមាននេះ