តាមប្រភពព័ត៌មាន Soccer Laduma បានឱ្យដឹងថា នៅពេលដែលអ្នកគ្រប់គ្រងប្រឈមមុខនឹងសម្ពាធកាន់តែខ្លាំងឡើង ដើម្បីផ្តល់នូវភាពជោគជ័យជាបន្ទាន់ ក្លិប៣នៅអង់គ្លេសបានសម្រេចចិត្តដកគ្រូបង្វឹកចោលនៅរដូវកាលនេះ ។ នៅក្នុងចំណោមនោះក៏មានគ្រូបង្វឹកនៅក្លិបខ្លះទុកគ្រូបង្វឹកឱ្យកាន់តំណែងបានយូរផងដែរ ។…
តាមប្រភពព័ត៌មាន Soccer Laduma បានឱ្យដឹងថា នៅពេលដែលអ្នកគ្រប់គ្រងប្រឈមមុខនឹងសម្ពាធកាន់តែខ្លាំងឡើង ដើម្បីផ្តល់នូវភាពជោគជ័យជាបន្ទាន់ ក្លិប៣នៅអង់គ្លេសបានសម្រេចចិត្តដកគ្រូបង្វឹកចោលនៅរដូវកាលនេះ ។ នៅក្នុងចំណោមនោះក៏មានគ្រូបង្វឹកនៅក្លិបខ្លះទុកគ្រូបង្វឹកឱ្យកាន់តំណែងបានយូរផងដែរ ។ ខាងក្រោមនេះ គឺជាគ្រូបង្វឹកទាំង១០ដែលកាន់តំណែងយូរជាងគេនៅលីគអង់គ្លេស ។
លោក Alex Ferguson នៅ Manchester United និង Arsene Wenger នៅ Arsenal បានកាន់តំណែងច្រើនជាង១០ឆ្នាំ នៅក្លិបដដែល ។ ជាមួយគ្នានេះដែរ គ្រូបង្វឹកនៅក្លិប AFC Bournemouth លោក Eddie Howe ដែលជាមនុស្សដំបូងនាំក្លិបពី League One ទៅកាន់ Premier League បច្ចុប្បន្នគឺជាគ្រូបង្វឹកដែលបម្រើការយូរជាងគេបំផុតនៅក្នុងលីគ រយៈពេល ៧ឆ្នាំ ១ខែនិង ១៦ថ្ងៃ។
លោក Sean Dyche គ្រូបង្វឹកក្លិប Burnley ដែលមានលក្ខណៈស្រដៀងនឹងលោក Howe បានធ្វើការតាំងពីលីគថ្នាក់ទាប ដល់ លីគកំពូលរបស់អង់គ្លេស។ លោកគឺជាគ្រូបង្វឹកបច្ចុប្បន្នដែលបម្រើការយូរជាងគេទី២នៅក្នុងលីគ បន្ទាប់ពីបានដឹកនាំក្លឹបអស់រយៈពេល ៧ ឆ្នាំនិង ៣១ថ្ងៃ។
លោក Jurgen Klopp អ្នកចាត់ការពានរង្វាន់ UEFA Champions League របស់ Liverpool បានឈរនៅចំណាត់ថ្នាក់លេខ៣ ។ គ្រូបង្វឹកជនជាតិអាឡឺម៉ង់រូបនេះ បានកាន់កាប់ក្លិប Liverpool បន្ទាប់ពីការបណ្តេញលោក Brendan Rodgers កាលពីឆ្នាំ ២០១៥ ហើយឥឡូវនេះលោកបានកាន់តំណែងនេះបានរយៈពេល ៤ឆ្នាំ ១ខែ និង ២២ថ្ងៃ។
លោក Chris Wilder របស់ក្រុម Sheffield United និង គ្រូបង្វឹកពីរសម័យកាលរបស់ក្រុម Manchester City លោក Pep Guardiola បានបំពេញតំណែង Top 5 សម្រាប់គ្រូបង្វឹកដែលមានមុខងារយូរជាងគេ ដោយគ្រូបង្វឹកទាំងពីរបាននៅតាមក្លិបរៀងៗខ្លួនអស់រយៈពេលជាង ៣ ឆ្នាំ៕ កែសម្រួលដោយ ៖សុឃាក់
ចែករំលែកព័តមាននេះ