ខេត្តកំពត ៖ រមណីយដ្ឋានមួយឈ្មោះកោះតាហេង នៅជាប់មាត់ព្រែក ក្នុងភូមិចម្លងជ្រៃ ឃុំស្ដេចគង់ខាងលិច ស្រុកបន្ទាយមាសខេត្តកំពត ។ នេះជារមណីយដ្ឋានក្លាយពីកន្លែងចិញ្ចឹមមាន់ ។…
ខេត្តកំពត ៖ រមណីយដ្ឋានមួយឈ្មោះកោះតាហេង នៅជាប់មាត់ព្រែក ក្នុងភូមិចម្លងជ្រៃ ឃុំស្ដេចគង់ខាងលិច ស្រុកបន្ទាយមាសខេត្តកំពត ។ នេះជារមណីយដ្ឋានក្លាយពីកន្លែងចិញ្ចឹមមាន់ ។
តាមការឲ្យដឹងពីលោកជៀម ហេង អាយុ៦៨ឆាំ្នជាម្ចាស់រមណីយដ្ឋានបានឲ្យដឹងកាលពីពេល ថ្មីៗកន្លងមកថាកន្លែងរមណីយដ្ឋាននេះពីមុនជាកន្លែងចិញ្ចឹមមាន់ តែក្រោយមកឈប់ចិញ្ចឹមមាន់ កូនរបស់លោក២នាក់បានកែច្នៃឲ្យទៅជារមណីយដ្ឋានវិញ ។ ការកៃច្នៃគឺធ្វើសួនដាំផ្កានិងធ្វើខ្យូស២០សម្រាប់អង្គុយ ។
លោកជៀម ហេង និយាយថាកាលពីរដូវបុណ្យភ្ជុំបិណ្ឌភ្ញៀវទៅលេងច្រើន រកតែកន្លែងអង្គុយស្ទើរមិនបាន ។ ដោយឡែកថ្ងៃធម្មតាមិនមានអ្នកទៅលេងទេ ។ ថ្ងៃសៅអាទិត្យមានអ្នកទៅលេងច្រើន ។
លោកជៀម ហេង ចង់ពង្រីករមណីយដ្ឋានរបស់លោកឲ្យបានធំជាងនេះ ប៉ុន្តែលោកចាំមើលសន្ទុះអ្នកទេសចរទៅលេងកម្សាន្តសិន ។
យុវជនវ៉ាន់ ចន្នី អាយុ25ឆាំ្នពីភូមិបាស្រែឃុំបាស្រែ ស្រុកអង្គរបុរី ខេត្តតាកែវ បានដឹងពីរមណីយដ្ឋាននោះតាមរយៈការផ្សាយតាមហ្វេសប៊ុកក៏បបួលមិត្តភក្ដិទៅលេង ៕ (កែសម្រួលដោយោ ៖ បុប្ផា)
ចែករំលែកព័តមាននេះ