សហរដ្ឋអាមេរិក-អាហ្វហ្គានីស្ថាន ៖ ប្រធានាធិបតីអាមេរិកលោកដូណាល់ត្រាំ ប្រកាសនាថ្ងៃទី២៨វិច្ឆិកា ក្នុងឱកាសនៃទស្សនកិច្ចនាពេលយប់ រយៈពេលខ្លីគួរឲ្យភ្ញាក់ផ្អើលមួយ នៅមូលដ្ឋានយោធាអាមេរិកមួយកន្លែង ក្នុងប្រទេសអាហ្វហ្គានីស្ថានថា ការចរចាជាមួយពួកតាលីបង់ដែលកាត់ផ្ដាច់កាលពីខែកញ្ញាត្រូវបន្តធ្វើឡើងវិញ។
ដំណើរទស្សនកិច្ចនេះរបស់លោកត្រាំដែលជាលើកដំបូងក្នុងប្រទេសកំពុងមានសង្គ្រាមនោះ ត្រូវបានគេលាក់ដោយសារហេតុផលសន្តិសុខ។ លោកមកកាន់ប្រទេសនេះនាឱកាសបុណ្យTHANKSGIVING។ ក្រោយពីជួបជាមួយសមភាគីអាហ្វហ្គានីស្ថានលោកអាហ្វស្ត្រាវហ្គានី នៅឯមូលដ្ឋានអាកាសចរណ៍បាហ្ក្រាម ចម្ងាយ៨០គីឡូម៉ែត្រខាងជើងក្រុងកាប៊ុលលោកត្រាំថ្លែងថា ពួកតាលីបង់ចង់បានកិច្ចព្រមព្រៀងមួយ ហើយយើងជួបចរចាជាមួយពួកគេ។
យើងនិយាយទៅកាន់ពួកគេថា ត្រូវមានបទឈប់បាញ់គ្នាមួយ តែពួកគេមិនចង់បានបទឈប់បាញ់នេះឡើយ រួចពេលនេះពួកគេបែរជាចង់បានវិញ។ លោកត្រាំបន្តថារឿងនោះប្រាកដជាដើរទៅមុខ។ យើងនឹងស្ថិតនៅក្នុងប្រទេសនេះបើដរាបណា យើងពុំទាន់រកឃើញកិច្ចព្រមព្រៀងមួយឬរហូតទាល់តែយើងទទួលបានជោគជ័យទាំងស្រុង។ តែពួកតាលីបង់ពិតជាចង់ស្វែងរកកិច្ចព្រមព្រៀងមួយ។
លោកត្រាំអះអាងទៀតថា លោកចង់កាត់បន្ថយចំនួនកងទាហានអាមេរិកនៅប្រទេសនេះមកនៅត្រឹម៨៦០០នាក់ ទល់នឹង១៣.០០០ទៅ១៤.០០០នាក់នាពេលបច្ចុប្បន្ន។
ក្រោយការចាកចេញរបស់លោកត្រាំលោកអាហ្វស្ត្រាវហ្គានី បានសេសេរតាមTWITTERថា ភាគីទាំង២គូសបញ្ជាក់ថាប្រសិនបើពួកតាលីបង់ពិតជាចង់បានដោយស្មោះកិច្ចព្រមព្រៀងសន្តិភាពមួយ នោះពួកគេត្រូវទទួលយកបទឈប់បាញ់មួយ។ យើងក៏ផ្ដោតដែរថាសន្តិភាពត្រូវតែស្ថិតស្ថេរ ហើយពួកភេរវករដែលរត់់គេចខ្លូនទៅខាងក្រៅអាហ្វហ្គានីស្ថានត្រូវតែកម្ទេច។
ប្រធានាធិបតីអាហ្វហ្គានីស្ថាសត្រូវបានគេប្រាប់ពីការមកកាន់ប្រទេសលោករបស់លោកត្រាំ តែប៉ុន្មានម៉ោងប៉ុណ្ណោះមុនការចុះយន្តហោះរបស់លោកត្រាំ៕ (កែសម្រួលដោយ ៖ បុប្ផា)
ចែករំលែកព័តមាននេះ