ក្រុមមេបក្សប្រឆាំង…ក្បាលក្រុមដឹកនាំដោយលោក សម រង្សុី នៅតែប្រកាសថា..នឹងមកដល់ទឹកដីកំណើតថ្ងៃ៩ វិច្ឆិកា អត់មានកែប្រែ ទេ…ស្បថមុខមេខ្លោងរួចហើយ ។
មេបក្សប្រឆាំងដែលមានទោសជាប់ខ្លួន…នៅតែប្រកាសថា…ការធ្វើមាតុភូមិនិវត្តន៍នេះ…ដើម្បីផ្លាស់ប្តូររបបដឹកនាំតេជោសែនទាំងមូល…ហើយខ្លួនឯងជាអ្នកទោសឡើងធ្វើនាយករដ្ឋមន្ត្រីម្តងឱ្យស្គាល់រសជាតិប្រចាំត្រកូល ។
សំដីប្រកាសរបស់លោក សម រង្សុី និងក្រុមរបស់គាត់…នៅតែបញ្ជាក់ច្បាស់ណាស់ថា…យកថ្ងៃ៩ វិច្ឆិកា ជាថ្ងៃធ្វើ«រដ្ឋប្រហារ»…ជាថ្ងៃប្រមូលអ្នកគាំទ្រឱ្យបះបោរធ្វើ«បដិវត្តន៍ពណ៌»ដូររបបគ្រប់គ្រងទាំងមូល ។
ទស្សនៈមហាជននៅក្នុងប្រទេស…យល់ឃើញយ៉ាងពិតប្រាកដថា…វាគ្រាន់តែជាការ«យល់សប្តិ»របស់ក្រុមក្បត់ជាតិ ដែល«រត់ចោលស្រុក» តែប៉ុណ្ណោះ…អាត្មាសុំហាម…ហាមហើយហាមទៀត «កុំមក»…
ចំណែកអ្នកភ្នំពេញ…ស្ងប់ស្ងាត់ល្អណាស់…អត់មានអ្នកណាភ្ញាក់ផ្អើលរឿងសម រង្សុី ទេ ។
ទស្សនៈមហាជនដដែលយល់ឃើញថា…សម័យតេជោសែនជាសម័យសន្តិភាពពេញបរិបូរណ៌… ជាសម័យរីកចម្រើននិងកំពុងអភិវឌ្ឍ…សេចក្តីសុខសាន្តមានទូទាំងប្រទេស…រដ្ឋអំណាចមានពេញក្នុងដៃអ្នកដឹកនាំគ្រប់ជាន់ថ្នាក់…មិនល្ងង់ដល់ថ្នាក់ឱ្យក្រុមរត់ចោលស្រុក…មកអុកឡុកបង្កចលាចល… មកដណ្តើមយកអំណាចបានដូចបកចេក ដែលលោករង្សុី…កំពុងដេកស្រមៃនេះបានជាដាច់ខាត…គួរលះបង់ភាពភ្លីភ្លើនេះចោលទៅ…បើលះបង់បាន ។
ក្រុមអ្នកសង្កេតការណ៍នៅតែយល់ថា…ថ្ងៃ៩វិច្ឆិកា ប្រសិនមានវត្តមាន សម រង្សុី ចូលស្រុកតាមព្រំដែនបានមែន…ដូចឈាមស្រែកស្បែកដាច…មិនខុសពីសុខៗចូលមក«ទទួលទោស»នោះឡើយ ។ ចំណែកអ្នកណាដែលហែហមមកជាមួយ…នឹងត្រូវ«ច្រានទ្រូងចេញ»វាចប់ទៅហើយ…ប៉ុន្តែបើរឹងទទឹង ល្ងីល្ងើទៀត…ប្រាកដជា«ពកថ្ងាស»មិនខាន…ព្រោះការប៉ុនប៉ង«ធ្វើរដ្ឋប្រហារ»ចេញមុខបែបនេះ…អាយុមិនវែងទេ…ប្រាកដជាអាយុខ្លី ។
បង្ហាញទស្សនៈដោយត្រង់ៗបែបនេះហើយ…បើនៅតែ«មានះ»ទៀត…កុំស្តាយក្រោយថា…អាត្មាដឹងហើយ…ឮហើយ…ម៉េចមិនជួយប្រាប់ញោមផង…ហេ ! ហេ !
ចែករំលែកព័តមាននេះ