រាជធានីភ្នំពេញ ៖ នាវាហ្វឹកហ្វឺនកងទ័ពជើងទឹកសហព័ន្ធរុស្ស៉ីប្រចាំតំបន់ Baltic ១គ្រឿង មានឈ្មោះ PEREKOP បានចូលសំចតកំពង់ផែស្វយ័តក្រុងព្រះសីហនុ ប្រកបដោយសុវត្ថិភាព ក្នុងដំណើរទស្សនកិច្ចរយៈពេល៤ថ្ងៃ (គិតពីថ្ងៃទី០៤ ដល់ថ្ងៃទី០៧ ខែវិច្ឆិកា ឆ្នាំ២០១៩) ។ នេះបើតាមហ្វេសប៊ុករបស់រដ្ឋបាលខេត្តព្រះសីហនុ ។
នាវា PEREKOP មានបណ្តោយ ១៣៨ម៉ែត្រ ទទឹង ១៧.២ម៉ែត្រ ជម្រៅទឹក ៥.៥៣ម៉ែត្រ ទម្ងន់ផ្ទុក ៧,២៧០តោន មាននាវិកចំនួន៣៩៩នាក់ ដឹកនាំដោយលោកវរនាវីឯក CHEROKOV Vladimirមេបញ្ជាការនាវា ។
ក្នុងការចូលចតនៅកំពង់ផែស្វយ័តក្រុងព្រះសីហនុ មានការទទួលស្វាគមន៍ពីលោកឧត្តមនាវីត្រី អ៊ិន សុខេមរា នាយរងសេនាធិការកងទ័ពជើងទឹកមូលដ្ឋានសមុទ្ររាម និងនាយនាវី នាយនាវីរង និងពលនាវីជាច្រើនរូបទៀត ៕ កែសម្រួលដោយ ៖ សុឃាក់
ចែករំលែកព័តមាននេះ