ខេត្តតាកែវ ៖ បន្ទាប់ពីរូបភាពបានបង្ហោះលើបណ្តាញសង្គមជាច្រើនសន្លឹក ទាក់ទិនសង្ឃមួយអង្គ មានព្រះនាម នុន ណយ ដែលជាព្រះចៅអធិការវត្តសិរីមង្គលកស្សបានរាម ក្នុងរូបភាពយ៉ាងផ្អែមល្អែមជាមួយស្រីស្នេហ៍រួចមក ក៏ត្រូវបានចាប់ផ្សឹកយ៉ាងបន្ទាន់ផងដែរ…
ខេត្តតាកែវ ៖ បន្ទាប់ពីរូបភាពបានបង្ហោះលើបណ្តាញសង្គមជាច្រើនសន្លឹក ទាក់ទិនសង្ឃមួយអង្គ មានព្រះនាម នុន ណយ ដែលជាព្រះចៅអធិការវត្តសិរីមង្គលកស្សបានរាម ក្នុងរូបភាពយ៉ាងផ្អែមល្អែមជាមួយស្រីស្នេហ៍រួចមក ក៏ត្រូវបានចាប់ផ្សឹកយ៉ាងបន្ទាន់ផងដែរ ។ ចៅអធិការវត្តនេះ គឺគង់នៅវត្តសិរីមង្គលកស្សបានរាមនេះ ស្ថិតក្នុងឃុំគោកព្រិច ស្រុកគីរីវង់ ខេត្តតាកែវ ។
ព្រះថេរដីការបស់ព្រះគ្រូ មហាវិរវង្សាចារ្យ ជ្រិន សិទ្ធ ព្រះមេគណខេត្តគណៈធម្មយុត្តិកនិកាយបានមានថេរដីកាឱ្យដឹងថា នៅវេលាថ្ងៃត្រង់ថ្ងៃទី១ វិច្ឆិកា ព្រះចៅអធិកាខាងលើ ត្រូវបានគណៈសង្ឃសម្រេចផ្សឹកចោលហើយ ទៅតាមវិនិច្ឆ័យតាមព្រះវិន័យបិដកក្នុងសិក្ខាបទបារាជិក៤ ។ បើភិក្ខុណាសេពមេថុន(សេពកាម)ភិក្ខុនោះ ត្រូវបាជិក(សឹកចោល) ។
ព្រះអង្គមានថេរដីកាបន្តថា យើងមិនអាចទុកបានទេ ចំពោះបុគ្គលដែលប្រព្រឹត្តផ្ទុយពីព្រះវិន័យដែលព្រះពុទ្ធជាម្ចាស់ទ្រង់បញ្ញត្តិទុកហើយ ព្រោះបណ្តាលឲ្យប៉ះពាល់ដល់ព្រះសាសនា ។
ប្រភពចុងក្រោយឱ្យដឹងថា ក្រោយពីផ្សឹករួច ជននេះមិនមានទទួលទោសទេ ហើយខាងស្រីស្នេហ៍ក៏មិនប្តឹងដែរ ។
ចែករំលែកព័តមាននេះ