ខ្លាំងបាត់! មហាសេដ្ឋីម្នាក់បរិច្ចាគ ១លានដុល្លារដើម្បីដាំដើមឈើ
លោកមហាសេដ្ឋី អេឡុន ម៉ាស (Elon Musk) ដែលជាម្ចាស់ក្រុមហ៊ុន SpaceX និង Tesla ល្បីថាជាអ្នកប្រើប្រាស់…
លោកមហាសេដ្ឋី អេឡុន ម៉ាស (Elon Musk) ដែលជាម្ចាស់ក្រុមហ៊ុន SpaceX និង Tesla ល្បីថាជាអ្នកប្រើប្រាស់…
លោកមហាសេដ្ឋី អេឡុន ម៉ាស (Elon Musk) ដែលជាម្ចាស់ក្រុមហ៊ុន SpaceX និង Tesla ល្បីថាជាអ្នកប្រើប្រាស់ Twitter ដ៏សកម្មមួយរូបដែលពេលខ្លះនាំយកបញ្ហាជូនលោក ។ ប៉ុន្តែមានពេលខ្លះទៀត ភាពសកម្មរបស់លោកលើប្រព័ន្ធសង្គមនេះក៏ជួយឲ្យលោកទទួលបានការគោរពពីមនុស្សជាច្រើន ក៏ព្រមទាំងជួលចូលរួមដោះស្រាយបញ្ហាផ្សេងៗក្នុងសង្គមដែរ ។
ក្នុងពេលថ្មីៗនេះ លោក ជីមី ដូណាល់សាន់ (Jimmy Donaldson) ដែលមានឈ្មោះថា MrBreast លើ YouTube បានអបអរការទទួលបាន Subscriber ចំនួន ២០ លាននាក់ដោយសម្រេចចិត្តដាំដើមឈើឲ្យបាន ២០ លានដើម ។
បន្ទាប់ពីបានបបួលតារា YouTube ដទៃដូចជាលោក ម៉ាក រ៉ូប៊ឺ (Mark Rober) ដែលជាអតីតវិស្វករនៅ NASA ហើយ ពួកយើងបានចាប់ផ្តើមយុទ្ធនាការដើម្បីរកថវិកាបាន ២០លានដុល្លារសម្រាប់មូលនិធិ Arbor Day Foundation ដើម្បីដាំដើមឈើឲ្យបាន ២០លានដើម ។
អ្នកប្រហែលជាគិតថាវាជារឿងដ៏មិនគួរឲ្យជឿមួយដែលមានមនុស្សសុខចិត្តបរិច្ចាគថវិកាដល់ទៅ ១លានដុល្លារដើម្បីគាំទ្រយុទ្ធនាការនេះ ប៉ុន្តែលោកម៉ាស ពិតជាសម្រេចចិត្តចូលរួមពិតមែន បន្ទាប់ពីសួរព័ត៌មានបន្ថែម។ បន្ទាប់ពីទទួលបានការបរិច្ចាគនេះហើយ លោកដូណាល់សាន់បានដាក់រហ័សនាមឲ្យលោក ម៉ាស ថា Treelon ហើយលោកម៉ាសក៏ប្តូរឈ្មោះនេះជាឈ្មោះ Twitter របស់ខ្លួនថែមទៀត ។
អំពើសប្បុរសធម៌នេះបានជំរុញទឹកចិត្តឲ្យអ្នកដទៃក្នុងវិស័យបច្ចេកវិទ្យាចូលរួមផងដែរ ។ លោក ចេក ដ័រស៊ី (Jack Dorsey) ដែលជានាយកប្រតិបត្តិរបស់ Twitter បានសន្យាថានឹងបរិច្ចាគថវិកាសម្រាប់ការដាំដើមឈើ ១៥០,០០០ដើម ខណៈដែល YouTube សន្យាថានឹងបរិច្ចាគ ១លានដុល្លារផងដែរ ។
មកដល់ពេលនេះយុទ្ធនាការខាងលើរកថវិកាបានប្រមាណជិត ៨លានដុល្លារទៅហើយ ហើយវាជាឧទាហរណ៍មួយដែលបង្ហាញថាបុគ្គលប៉ុន្មានរូបលើ YouTube អាចទាក់ទាញការបរិច្ចាគពីក្រុមហ៊ុន និងមហាសេដ្ឋីធំៗដើម្បីចូលរួមដល់ការជួយសង្គម ៕ កែសម្រួលដោយ ៖ សុឃាក់
ចែករំលែកព័តមាននេះ