ប្រទេសស៊ីរី ៖ ក្នុងពន្ធនាគាររបស់ពួកឃើតមួយនាភាគខាងជើងស៊ីរី មានឃុំឃាំងពួកជីហាដគរជើងគ្នាច្រើនពាន់នាក់។
នៅពីក្រោយទ្វារដែកយ៉ាងមាំពួកអ្នកទោសជាពួកជីហាដត្រូវគេដាក់គរជើងគ្នា យ៉ាងណែនតាន់តាប់ក្នុងបន្ទប់ឃុំឃាំងតូចចង្អៀត ដែលពួកគេពិបាកក្នុងការប្រែខ្លួន។ ពួកគេមានលក្ខណៈស្គមស្គាំងក្នុងឯកសណ្ឋានអ្នកទោសពណ៌ទឹកក្រូច។
ពួកអ្នកទោសទាំងនេះមានទាំងពួកអ្នកពេញវ័យមានទាំងក្មេងជំទង់ ដែលមានសញ្ជាតិផ្សេងៗគ្នាក្នុងនោះមានសញ្ជាតិបារាំង បែលហ្ស៊ិក ម៉ារ៉ុក។ល។ ដែលពួកគេជាប់ការចោទប្រកាន់ជាពួកជីហាដនៃក្រុមរដ្ឋអ៊ិ៊ស្លាម ដែលកាលពី១ឆ្នាំមុន ដើរសាបព្រោះអំពើហិង្សា ការសម្លាប់មនុស្សដោយកាត់ក្បាលនិងបាញ់សម្លាប់មនុស្សទាំងហ្វូង។
អ្នកកាសែតបរទេស១ក្រុមត្រូវបានគេអនុញ្ញាតឲ្យទៅកាន់ពន្ធនាគារនោះ ដែលត្រួតត្រាដោយពួកយុទ្ធជនឃើតស៊ីរីកំពុងកាន់កាប់តំបន់ទាំងឡាយនាភាគឦសានស៊ីរី។ គេឃើញពួកអ្នកទោសជីហាដដេកគរជើងគ្នាខ្លះលែងខ្លួនទទេដាយមានដងខ្លួនស្គមកំព្រឹង ខ្លះដេកលើពួកខ្លះដេកលើដី។
ស្ថិតនៅខេត្តហាសាកេជាប់ព្រំដែនតួកគី គុកនោះដាក់អ្នកទោសជិត៥០០០នាក់ ក្នុងនោះមានកុមារច្រើនសិបនាក់។ ក្នុងចំណោមពួកអ្នកទាំងនេះមានជនជាតិបារាំង អាល្លឺម៉ង់ បែលហ្ស៊ិក ឬអង់គ្លេស ហើយអាជ្ញាធរពន្ធនាគារមិនប្រាប់ពីចំនួនពួកគេឡើយ។ តាមនាយកពន្ធនាគារនោះថា ក៏មានពួកអ្នកទោសជាជនជាតិអាមេរិក ក៏ទោះបីមានការអំពាវនាវផ្ទួនៗ របស់ប្រធានាធិបតីអាមេរិកលោកដូណាល់ត្រាំដល់ពួកអឺរ៉ុប ឲ្យធ្វើមាតុភូមិនិវត្តន៍ជនជាតិរបស់ពួកគេក្ដី៕ (កែសម្រួលដោយ ៖ បុប្ផា)
ចែករំលែកព័តមាននេះ