ក្រុងហុងកុង ៖ សកម្មជនសហជីពក្រុងហុងកុងលោកSTANLEY HO ត្រូវបានពួកជនមិនស្គាល់មុខស្ទាក់វាយដោយរបារដែកបំបាក់ដៃទាំងសងខាង ដែលនោះជាការវាយប្រហារមួយពុំធ្លាប់មានពីមុនមកនៅហុងកុង។ ពេលនេះពួកសកម្មជនស្និទ្ធលទ្ធិប្រជាធិបតេយ្យនិយាយថា ពួកគេរងការគំរាមកំហែងកាន់តែខ្លាំង។ ចាប់តាំងពីដំណាច់ខែសីហាមក សកម្មជនហុងកុងនៃចលនាដើម្បីលទ្ធិប្រជាធិបតេយ្យ…
ក្រុងហុងកុង ៖ សកម្មជនសហជីពក្រុងហុងកុងលោកSTANLEY HO ត្រូវបានពួកជនមិនស្គាល់មុខស្ទាក់វាយដោយរបារដែកបំបាក់ដៃទាំងសងខាង ដែលនោះជាការវាយប្រហារមួយពុំធ្លាប់មានពីមុនមកនៅហុងកុង។ ពេលនេះពួកសកម្មជនស្និទ្ធលទ្ធិប្រជាធិបតេយ្យនិយាយថា ពួកគេរងការគំរាមកំហែងកាន់តែខ្លាំង។
ចាប់តាំងពីដំណាច់ខែសីហាមក សកម្មជនហុងកុងនៃចលនាដើម្បីលទ្ធិប្រជាធិបតេយ្យ ៨នាក់ហើយ រងការវាយប្រហារដោយពួកជនមិនស្គាល់មុខ។ ពួកអ្នកវាយប្រហារទាំងនេះសង្ស័យស្ថិតក្នុងក្រុមជនទី៣ ជាក្រុមបនហិង្សា ដែលរួមដៃជាមួយក្រុងប៉េកាំង ក្នុងវិបត្តិក្រុងហុងកុងដែលអូសបន្លាយពេលចាប់តាំងពី៥ខែមកហើយ ក្នុងដែនដីអតីតអាណានិគមអង់គ្លេសនោះ។
ក្នុងចំណោមជនរងគ្រោះមានសកម្មជនជាប្រភពនៃបាតុកម្ម បណ្ដាសមាជិកសភាប្រឆាំង បណ្ដាមេដឹកនាំនៃចលនានិស្សិតនិងបណ្ដាបេក្ខជនសម្រាប់ការបោះឆ្នោតនាពេលខាងមុខ។ លោកSTANLEY HOជាសកម្មជនសហជីពអាយុ៣៥ឆ្នាំរងការវាយប្រហារ កាលពីដំណាច់ខែកញ្ញាដោយជនមិនស្គាល់មុខយ៉ាងតិច៣នាក់នៅSAI KUNG ជាតំបន់ជនបទមួយខាងកើតក្រុងហុងកុង ដែលនៅទីនោះលោកឈរឈ្មោះជាបេក្ខជនសម្រាប់ការបោះឆ្នោតមូលដ្ឋាន ប្រឈមមុខនឹងគណបក្សស្និទ្ធក្រុងប៉េកាំងដែលគ្រប់គ្រងលើស្រុកនោះចាប់តាំងពីច្រើនទសវត្សមកហើយ។
កHOអះអាងប្រាប់AFPកាលពីថ្ងៃទី២៤តុលាថា មូលហេតុនៃការវាយប្រហារលើរូបលោក អាចជាប់ទាក់ទិននឹងរឿង២គឺៈការបោះឆ្នោតនាពេលខាងមុខនិងចលនាបាតុកម្មបច្ចុប្បន្ន។ ពួកមនុស្សជើងខ្លាំងបានបង្កើតការបំភ័យស ដោយរួមសហការជាមួយពួកឧក្រិដ្ឋជន។ ពាក្យការបំភ័យសចង់និយាយសំដៅលើការបង្ក្រាបជាច្រើនទសវត្ស ក្រោមរបបលោកជៀងកៃចៀកនិងកូនប្រុសលោកពីឆ្នាំ១៩៤៩ដល់១៩៨៧៕ (កែសម្រួលដោយ ៖ បុប្ផា)
ចែករំលែកព័តមាននេះ