ទីក្រុងព្យុងយ៉ាង ៖ ប្រទេសកូរ៉េខាងជើងបានចោទប្រកាន់ប្រទេសជប៉ុនថាបានបង្កើនហានិភ័យសន្តិសុខនៅក្នុងតំបន់ តាមរយៈការពន្លឿនការដាក់ពង្រាយ និងការអភិវឌ្ឍមីស៊ីលរយៈចម្ងាយឆ្ងាយ ដោយទីក្រុងព្យុងយ៉ាងអះអាងថា ការកសាងយោធារបស់ទីក្រុងតូក្យូគឺស្មើនឹងការរៀបចំសម្រាប់ការវាយប្រហារនាពេលអនាគត។ នេះបើតាមប្រព័ន្ធផ្សព្វផ្សាយរដ្ឋកូរ៉េខាងជើង (KCNA) ចេញផ្សាយនៅថ្ងៃទី១៣…
ទីក្រុងព្យុងយ៉ាង ៖ ប្រទេសកូរ៉េខាងជើងបានចោទប្រកាន់ប្រទេសជប៉ុនថាបានបង្កើនហានិភ័យសន្តិសុខនៅក្នុងតំបន់ តាមរយៈការពន្លឿនការដាក់ពង្រាយ និងការអភិវឌ្ឍមីស៊ីលរយៈចម្ងាយឆ្ងាយ ដោយទីក្រុងព្យុងយ៉ាងអះអាងថា ការកសាងយោធារបស់ទីក្រុងតូក្យូគឺស្មើនឹងការរៀបចំសម្រាប់ការវាយប្រហារនាពេលអនាគត។ នេះបើតាមប្រព័ន្ធផ្សព្វផ្សាយរដ្ឋកូរ៉េខាងជើង (KCNA) ចេញផ្សាយនៅថ្ងៃទី១៣ ខែមីនា ឆ្នាំ២០២៦។
KCNA បានអត្ថាធិប្បាយថា ជប៉ុនបានចាប់ផ្តើមដាក់ពង្រាយមីស៊ីលទើបតែអភិវឌ្ឍន៍ប្រភេទ Type 12 របស់ខ្លួន នៅក្នុងខេត្តគូម៉ាមូតូ (Kumamoto) ហើយគ្រោងនឹងដាក់ប្រព័ន្ធមីស៊ីលរយៈចម្ងាយឆ្ងាយផ្សេងទៀតទូទាំងខេត្តជាច្រើនផ្សេងទៀត ដោយដាក់ប្រទេសជិតខាងឱ្យស្ថិតនៅក្នុងចម្ងាយនៃការវាយប្រហារ។
ការអត្ថាធិប្បាយបានបន្តថា ជប៉ុនកំពុងចំណាយប្រាក់យ៉ាងច្រើនចូលទៅក្នុងការពង្រីកប្រព័ន្ធមីស៊ីល និងសម្របខ្លួនវាសម្រាប់ការបាញ់ពីដីគោក សមុទ្រ និងអាកាស ដោយហៅប្រព័ន្ធទាំងនោះថា «អាវុធវាយប្រហាររយៈចម្ងាយឆ្ងាយយ៉ាងច្បាស់»។
KCNA បានបដិសេធការអះអាងរបស់ជប៉ុនថា ការកសាងនេះ សម្រាប់កិច្ចការពារខ្លួន ដោយនិយាយថា វាឆ្លុះបញ្ចាំងពីមហិច្ឆតារបស់ទីក្រុងតូក្យូ ដើម្បីធានាសមត្ថភាពវាយប្រហារ និងជាផ្នែកមួយនៃការរៀបចំសង្គ្រាមសម្រាប់ការឈ្លានពានឡើងវិញ។
ដោយបន្ថែមថា ការពង្រីកអាវុធវាយប្រហាររយៈចម្ងាយឆ្ងាយរបស់ប្រទេសជប៉ុន និងការចូលរួមក្នុងសមយុទ្ធយោធាកន្លងមក បានបង្ហាញថា ប្រទេសជប៉ុនកំពុងខិតជិតដល់ការប្រើប្រាស់សមត្ថភាពទាំងនោះ ហើយកូរ៉េខាងជើងព្រមានថា ទីក្រុងតូក្យូប្រឈមនឹងផលវិបាកធ្ងន់ធ្ងរ ប្រសិនបើបន្តដើរលើផ្លូវបច្ចុប្បន្នរបស់ខ្លួន៕ ប្រភព ៖ Reuters
ចែករំលែកព័តមាននេះ