ប្រទេសបង់ក្លាដែស ៖ តុលាការបង់ក្លាដែសមួយកាលពីថ្ងៃទី២៤តុលា បានកាត់ទោសប្រហារជីវិត មនុស្សដល់ទៅ១៦នាក់ពីបទសម្លាប់យុវនារីអាយុ១៩ឆ្នាំម្នាក់ ដោយដុតរូបនាងទាំងរស់ ព្រោះតែនាងហា៊នប្ដឹងពីបទចាប់នាងរំលោភ ប្រឆាំងអ្នកទទួលខុសត្រូវនៃសាលាកូរអានរបស់នាង។ ការសម្លាប់នាងNUSTRAT JAHAN…
ប្រទេសបង់ក្លាដែស ៖ តុលាការបង់ក្លាដែសមួយកាលពីថ្ងៃទី២៤តុលា បានកាត់ទោសប្រហារជីវិត មនុស្សដល់ទៅ១៦នាក់ពីបទសម្លាប់យុវនារីអាយុ១៩ឆ្នាំម្នាក់ ដោយដុតរូបនាងទាំងរស់ ព្រោះតែនាងហា៊នប្ដឹងពីបទចាប់នាងរំលោភ ប្រឆាំងអ្នកទទួលខុសត្រូវនៃសាលាកូរអានរបស់នាង។
ការសម្លាប់នាងNUSTRAT JAHAN RAFIកាលពីខែមេសា នាំឲ្យមានការក្ដុកក្ដួលយ៉ាងខ្លាំង និងនាំឲ្យមានបាតុកម្មនានានៅបង់ក្លាដែស។ ជនជាប់ចោទទាំង១៦នាក់ក្នុងនោះមានសាស្ត្រាចារ្យរបស់យុវនារីរូបនោះនិងមិត្តរួមថ្នាក់របស់នាង៣នាក់ ត្រូវតុលាការពិសេសមួយបើកសវនាការកាត់ទោស ចាប់តាំងពីខែមិថុនាមក។
រដ្ឋអាជ្ញាលោកHAFEZ AHMEDថ្លែងទៅកាន់សារព័ត៌មានថា សាលក្រមកាត់ទោសនេះបង្ហាញថា ពុំមានការធ្វើឃាតមនុស្សណាមួយដែលអាចរួចខ្លួន ពុំមានការកាត់ទោសនោះឡើយនៅបង់ក្លាដែស។ យើងមាននីតិរដ្ឋ។ សាលក្រមកាត់ទោសពួកអ្នកទាំងនះត្រូវបានប្រកាសនៅតុលាការ ដោយមានកិច្ចការពារសន្តិសុខខ្លាំងបំផុត។
យោងតាមអាជ្ញាធរថាយុវនារីជាអ្នករងគ្រោះះត្រូវបានគេចាប់ពីលើដំបូលសាលាកូរអានមួយនៃទីក្រុងSONAGAZI ដែលនាងជាសិស្សសាលានោះដែរ។ ពួកគេបានបង្ខំឲ្យនាងដកពាក្បណ្ដឹងពីបទចាប់រំលោភរួមភេទដែលនាងបានដាក់មុននេះបន្តិច ប្រឆាំងអ្នកទទួលខុសត្រូវសំខាន់នៃសាលានោះ។
ដោយនាងមិនព្រមពួកគេបានយកប្រេងសាំងស្រោចខ្លួននាងហើយដុតទាំងរស់។ ត្រូវភ្លើងឆេះរោលខ្លាំងនាងក៏ត្រូវស្លាប់៥ថ្ងៃក្រោយមក គឺនាថ្ងៃទី១០មេសា ដែលបង្កឲ្យមានរឿងអាស្រូវមួយក្នុងប្រទេសមានប្រជាជន១៦០លាននាក់នោះ៕ (កែសម្រួលដោយ ៖ បុប្ផា) (ប្រភពវីដេអូ ៖ Rising News Bangla)
ចែករំលែកព័តមាននេះ