រាជធានីភ្នំពេញ ៖ គ្រោះថ្នាក់ចរាចរណ៍រវាងរថយន្តមួយគ្រឿងម៉ាក BMW បុកជាមួយរថយន្តមួយគ្រឿងទៀតម៉ាក RANGE ROVER បណ្តាលឲ្យរងការខូចខាតទាំងសងខាង តែមិនមានមនុស្សណាម្នាក់រងរបួសនោះទេ ។…
រាជធានីភ្នំពេញ ៖ គ្រោះថ្នាក់ចរាចរណ៍រវាងរថយន្តមួយគ្រឿងម៉ាក BMW បុកជាមួយរថយន្តមួយគ្រឿងទៀតម៉ាក RANGE ROVER បណ្តាលឲ្យរងការខូចខាតទាំងសងខាង តែមិនមានមនុស្សណាម្នាក់រងរបួសនោះទេ ។
ហេតុការណ៍ខាងលើនេះបានកើតឡើងកាលពីវេលាម៉ោង១១និង២០នាទីថ្ងៃទី២៣ ខែតុលា ឆ្នាំ២០១៩ នៅចំណុចខាងលិចវត្តមហាមន្ត្រី តាមបណ្តោយផ្លូវលេខ២៨៤ កែងផ្លូវលេខ១៩៣ ស្ថិតក្នុងសង្កាត់អូឡាំពិក ខណ្ឌបឹងកេងកង ។
ភាគីខាងរថយន្តមួយគ្រឿងម៉ាកBMW ពណ៌ទឹកប្រាក់ ពាក់ស្លាកលេខ ភ្នំពេញ ២AB-៣២៨៨ អ្នកបើកបរមិនស្គាល់អត្តសញ្ញាណ ។ ចំណែកភាគីខាងរថយន្តមួយគ្រឿង ម៉ាកRANGE ROVER ពណ៌ខ្មៅ ពាក់ស្លាកលេខភ្នំពេញ ២BG-៩៨៨៨ អ្នកបើកបរមិនស្គាល់អត្តសញ្ញាណ ។
តាមប្រភពពីសាក្សីនៅកន្លែងកើតហេតុបានឲ្យដឹងថា មុនពេលកើតហេតុ គេបានឃើញរថយន្តមួយគ្រឿងម៉ាកBMW ធ្វើដំណើរតាមបណ្តោយផ្លូវលេខ១៩៣ ក្នុងទិសដៅពីលិចទៅកើត លុះមកដល់ចំណុចកើតហេតុដែលជាផ្លូវបំបែកជា៥ ស្រាប់តែជ្រុលទៅបុករថយន្តមួយគ្រឿងទៀតម៉ាកRANGE ROVER ដែលកំពុងធ្វើដំណើរតាមបណ្តោយផ្លូវលេខ២៨៤ ក្នុងទិសដៅពីជើងទៅត្បូង ពីចំហៀងផ្នែកខាងស្តាំកង់ខាងក្រោយយ៉ាងពេញទំហឹង បណ្តាលឲ្យរថយន្តទាំងសងខាងរងការខូចខាតយ៉ាងដំណំ តែមិនមានគ្រោះថ្នាក់ដល់មនុស្សណាម្នាក់ឡើយ ។
ក្រោយកើតហេតុ សមត្ថកិច្ចបានចុះមកដល់កន្លែងកើតហេតុដែរ តែភាគីខាងសងខាងនិយាយថា ពួកគេសម្របសម្រួលគ្នាហើយ ៕ (កែសម្រួលដោយ ៖ ធីតា)
ចែករំលែកព័តមាននេះ