ខេត្តបន្ទាយមានជ័យ ៖ ការប្រគុំតន្ត្រីដើម្បីផ្សព្វផ្សាយពាណិជ្ជកម្មរបស់ក្រុមហ៊ុនយូនីលីវ័រដែលចាប់ផ្ដើមប្រារពធ្វើឡើងខាងក្រោយផ្សារមង្គលស្ថិតក្នុងភូមិប៉ោយប៉ែត សង្កាត់និងក្រុងប៉ោយប៉ែត ជារាត្រីទី០១បន្ទាប់ពីប្រកាសផ្សព្វផ្សាយតាមរថយន្តអស់រយះពេល២ទៅ៣ថ្ងៃទៅហើយនោះ នៅយប់ម៉ោងប្រហែល៧ថ្ងៃទី៣០ខែមេសាឆ្នាំ២០១៤នេះត្រូវបានខាកខានទៅវិញព្រោះបុគ្គលិកប្រុសម្នាក់ត្រូវចរន្តអគ្គីសនីឆក់នៅពេលកំពុងធ្វើការនៅបន្ទប់មួយសង្ស័យបណ្ដាលមកពីដីសើមក្រោយភ្លៀងធ្លាក់ជោគជាំមានខ្សែភ្លើងឆ្លងកន្លែងដាច់ណាមួយ។
ទោះជាយ៉ាងណាជនរងគ្រោះមិនត្រូវបានគេស្គាល់អត្តសញ្ញាណឡើយព្រោះក្រោយកើតហេតុគេនាំគ្នាយកទៅកប់ខ្សាច់បន្ទាប់មកក៍នាំចេញតាមរថយន្តទៅបាត់មិនដឹងថាទៅព្យាបាលនៅមន្ទីរពេទ្យឬគ្លិនិកណានោះទេ។
ប្រភពប្រាប់ថាជនរងគ្រោះរួចផុតពីគ្រោះថ្នាក់ហើយ។ បើទោះជាបញ្ហាកើតមានបង្កឲ្យខកខានរាត្រីទី០១យ៉ាងណាក៍ដោយក្នុងកម្មវិធីគេនៅតែប្រកាសដំណើរការនៅថ្ងៃស្អែកបន្តទៀត។ កោះសន្តិភាពមិនទាន់រកសុំការបំភ្លឺពីអ្នកចាត់ចែងកម្មវិធីបាននៅឡើយទេ។
ចែករំលែកព័តមាននេះ