ខេត្តបន្ទាយមានជ័យ ៖ ក្រោយពីយោធាថៃបើកការវាយប្រហារមកលើកម្ពុជា ក្នុងភូមិសាស្ត្រខេត្តបន្ទាយមានជ័យ អាជ្ញាធរបានជម្លៀសប្រជាពលរដ្ឋ ដែលគិតមកដល់ថ្ងៃទី១៤ ខែធ្នូ ឆ្នាំ២០២៥ មានជាង១៥ម៉ឺននាក់ ។…
ខេត្តបន្ទាយមានជ័យ ៖ ក្រោយពីយោធាថៃបើកការវាយប្រហារមកលើកម្ពុជា ក្នុងភូមិសាស្ត្រខេត្តបន្ទាយមានជ័យ អាជ្ញាធរបានជម្លៀសប្រជាពលរដ្ឋ ដែលគិតមកដល់ថ្ងៃទី១៤ ខែធ្នូ ឆ្នាំ២០២៥ មានជាង១៥ម៉ឺននាក់ ។
យោងតាមរបាយការណ៍របស់រដ្ឋបាលខេត្តប្រជាពលរដ្ឋដែលបានជម្លៀសមកទីតាំងសុវត្ថិ
ភាព មានចំនួន១០៣កន្លែង ដែលមានជនភៀសសឹកចំនួន ៤៤ ៤១៣គ្រួសារ គិតជាមនុស្សរាយចំនួន ១៥១ ៥០៦នាក់ ក្នុងនោះស្រីចំនួន៧៧ ៣៩៦នាក់ និងកុមារ ៤៥ ៤១៣នាក់ ។
គួររំឭកថា ក្រោយពីទាហានថៃបើកការបាញ់ប្រហារយ៉ាងក្ដៅគគុក រយៈពេល១សប្តាហ៍
ចាប់ពីថ្ងៃទី៨ដល់១៤ ខែធ្នូ ឆ្នាំ២០២៥ ក្នុងភូមិសាស្ត្រតំបន់ព្រៃចាន់ ភូមិជោគជ័យ និងតំបន់បឹងត្រកួន អាជ្ញាធរខេត្ត និងស្រុក ក្រុង បានជម្លៀសប្រជាពលរដ្ឋចេញពីស្រុក ក្រុងចំនួន៥ដែលនៅជាប់ព្រំដែនថៃ ជាតំបន់ប្រឈមមានស្រុកអូរជ្រៅ ស្រុកស្វាយចេក ស្រុកថ្មពួក ក្រុងប៉ោយប៉ែត និងស្រុកម៉ាឡៃ ។
ជាក់ស្តែង ពេលនេះ ស្ថានភាពនៅតំបន់ព្រៃចាន់ ជោគជ័យ និងតំបន់បឹងត្រកួន ដែលជាតំបន់សមរភូមិក្តៅនោះ ទាហានសៀមបានប្រើប្រាស់យន្តហោះ F-១៦ ទម្លាក់គ្រាប់បែក ។ ប្រើប្រាស់កាំភ្លើងត្បាល់ និងកាំភ្លើងយន្ត បាញ់រះ បណ្តាលឆេះនិងខូចខាតផ្ទះសម្បែង ទ្រព្យសម្បត្តិ ។ ប្រជា ពលរដ្ឋបានស្លាប់ និងរបួសធ្ងន់-ស្រាល និងមានទាហានរងគ្រោះដោយផ្សែងពុលកំពុងសម្រាកព្យាបាលនៅមន្ទីរពេទ្យ ៕
ចែករំលែកព័តមាននេះ