រាជធានីភ្នំពេញ ៖ ក្រសួងការពារជាតិ បានប្រកាស នាព្រឹកថ្ងៃទី១៥ ខែធ្នូ ឆ្នាំ២០២៥នេះថា ៖ ប្រជាពលរដ្ឋកម្ពុជាទាំងអស់ជឿជាក់ និងលើកទឹកចិត្តដល់វីរកងទ័ពដ៏អង់អាចក្លាហានរបស់យើង…
រាជធានីភ្នំពេញ ៖ ក្រសួងការពារជាតិ បានប្រកាស នាព្រឹកថ្ងៃទី១៥ ខែធ្នូ ឆ្នាំ២០២៥នេះថា ៖ ប្រជាពលរដ្ឋកម្ពុជាទាំងអស់ជឿជាក់ និងលើកទឹកចិត្តដល់វីរកងទ័ពដ៏អង់អាចក្លាហានរបស់យើង ដែលកំពុងប្រយុទ្ធតស៊ូយ៉ាងខ្លាំងក្លានៅគ្រប់សមរភូមិទាំងអស់ ។
បន្ថែមពីនេះទៀត រាជរដ្ឋាភិបាល កងទ័ព និងប្រជាជនកម្ពុជារួបរួមគ្នាជាធ្លុងមួយ ក្នុងការការពារទឹកដី សេចក្តីថ្លៃថ្នូរ និងអធិបតេយ្យភាពរបស់យើង ដោយអង់អាចក្លាហាន និងដោយមិនងាករេជាដាច់ខាត ទោះក្នុងតម្លៃ ណាក៏ដោយ ។
បន្ថែមពីនេះទៀត ក្នុងស្ថានភាពនេះ សូមបងប្អូនកុំបាក់ទឹកចិត្ត ប៉ុន្តែត្រូវយកឱកាសនេះ ដើម្បីបង្ហាញពិភពលោក និងសត្រូវឈ្លានពានឱ្យឃើញថា ខ្មែរមិនមែនជាជាតិសាសន៍ដែលងាយបំបែកបំបាក់នោះទេ ។ យើងត្រូវឈរទល់ខ្នងគ្នា ចងជាបាច់ដូចចង្គឹះ ដែលមិនអាចកាច់បាក់ ។
សូមបញ្ជាក់ថា ៖ សូមបងប្អូនខ្មែររួមឈាម! ចូរយកឱកាសដ៏លំបាកនេះ បង្រួបបង្រួមបេះដូងខ្មែរតែមួយ ។ យើងមិនមែនគ្រាន់តែជាពលរដ្ឋក្នុងប្រទេសមួយទេ តែយើងគឺជាគ្រួសារតែមួយ ។ «ចង្គឹះមួយបាច់» មិនមែនគ្រាន់តែជាពាក្យស្លោក តែជាផ្លូវតែមួយគត់ ដែលនាំកម្ពុជាទៅរកជ័យជំនះ និងភាពគង់វង្សជារៀងរហូត ៕
ចែករំលែកព័តមាននេះ