សហរដ្ឋអាមេរិក-អ៊ីរ៉ង់ ៖ រដ្ឋមន្ត្រីប្រេងកាតអីរ៉ង់លោកBIJAN NAMDAR ZANGANEH អះអាងកាលពីថ្ងៃទី២០តុលាថា សហរដ្ឋអាមេរិកពុំបានសម្រេចឡើយក្នុងការគាបសង្កត់លើឧស្សាហកម្មប្រេងកាតអ៊ីរ៉ង់ជាមួយបណ្ដាទណ្ឌកម្មរបស់គេ។
រដ្ឋមន្ត្រីរូបនោះថ្លែងទៅកាន់ទីភ្នាក់ងារព័ត៌មានអ៊ីរ៉ង់TASNIMថា មានការខិតខំជាច្រើនត្រូវបានធ្វើ ដើម្បីបញ្ឈប់ការអភិវឌ្ឍន៍ឧស្សាហកម្មប្រេងកាតអ៊ីរ៉ង់ តាមរយៈបណ្ដាទណ្ឌកម្ម។ ផ្ទុយទៅវិញចំនួនកុងត្រាដែលបានចុះហត្ថលេខាជាមួយបណ្ដាម៉ូយមានការកើនឡើង ហើយចំនួននៃបណ្ដាគម្រោងក្នុងផ្នែកប្រេងនិងឧស្ម័ន ត្រូវបានអនុវត្តក្រោយទណ្ឌកម្មទាំងនោះ។
លោកBIJAN NAMDAR ZANGANEHអះអាងថា ការធ្វើអាជីវកម្មប្រេងបន្តក្នុងប្រទេសអ៊ីរ៉ង់ទាំងមូល។
មុននេះបន្តិចលោកZANGANEHបានព្រមានថា ប្រទេសរបស់លោកនឹងមិនរងគ្រោះដោយសារការគាបសង្កត់របស់អាមេរិកឡើយនិងថា អ៊ីរ៉ង់នឹងប្រើគ្រប់មធ្យោបាយដែលអាចទៅរួច ដើម្បីនាំចេញប្រេងកាតរបស់ខ្លួន។
ការនាំចេញប្រេងឆៅរបស់អ៊ីរ៉ង់មានការកាត់បន្ថយដល់ទៅជាងពាក់កណ្ដាល ក្រោយទណ្ឌកម្មរបស់អាមេរិក ដែលដាក់កាលពីខែវិច្ឆិកាឆ្នាំ២០១៨មក ប្រឆាំងផ្នែកប្រេងរបស់ប្រទេស៕ (កែសម្រួលដោយ ៖ បុប្ផា)
ចែករំលែកព័តមាននេះ