ខេត្ដស្វាយរៀង ៖ កូដកម្មនិងបាតុកម្មដែលអូសបន្លាយជាង១សប្ដាហ៍ រហូតផ្ទុះហិ.ង្សាគប់បំផ្លិចបំផ្លាញរោងចក្រ បាក់របង បែកកញ្ចក់ទ្វារ និងកញ្ចក់បង្អួចរោងចក្រស៊ីកូ និងរោងចក្រខេនឌី បណ្ដាលឱ្យខូចខាតយ៉ាងដំណំ និងវាយបំផ្លាញរថយន្ដថៅកែរោងចក្រអស់២គ្រឿងនោះនៅតែរកដំណោះស្រាយមិនឃើញដដែលរហូតមកដល់ថ្ងៃទី២៩ មេសា ។
ខេត្ដស្វាយរៀង ៖ កូដកម្មនិងបាតុកម្មដែលអូសបន្លាយជាង១សប្ដាហ៍ រហូតផ្ទុះហិង្សាគប់បំផ្លិចបំផ្លាញរោងចក្រ បាក់របង បែកកញ្ចក់ទ្វារ និងកញ្ចក់បង្អួចរោងចក្រស៊ីកូ និងរោងចក្រខេនឌី បណ្ដាលឱ្យខូចខាតយ៉ាងដំណំ និងវាយបំផ្លាញរថយន្ដថៅកែរោងចក្រអស់២គ្រឿងនោះនៅតែរកដំណោះស្រាយមិនឃើញដដែលរហូតមកដល់ថ្ងៃទី២៩ មេសា ។
ម្ចាស់រោងចក្រទាំង៤០ ក្នុងនោះនៅតំបន់សេដ្ឋកិច្ចពិសេសមេនហាតធេន ២២រោងចក្រ តំបន់សេដ្ឋកិច្ចពិសេសតាយសេង១៧រោងចក្រ និងតំបន់សេដ្ឋកិច្ចពិសេសសានតុង ១រោងចក្រ បានបង្ខំចិត្ដបិទទ្វារ សម្រាកចាប់ពីថ្ងៃទី២៩ មេសា រហូតដល់ថ្ងៃទី២ ឧសភា ២០១៤ ទើបបើកទ្វារឱ្យកម្មករ-កម្មការិនីចូលធ្វើការវិញ តែសម្រាប់ក្រុមកម្មករដែលបានសាកសួរនិយាយថា បើគ្មានដំណោះស្រាយទេ ពួកគេនឹងបន្ដការទាមទារតទៅ ទៀត ។
នៅថ្ងៃទី២៩ មេសា ក្នុងចេតនាទប់ស្កាត់អំពើហិង្សាថ្មីៗទៀត សមត្ថកិច្ចបានដាក់ពង្រាយកងកម្លាំងស្ទាក់តាមផ្លូវលំនានាទូទាំងខេត្ដ មិនឱ្យក្រុមកម្មករ-កម្មការិនីធ្វើដំណើរតាមរថយន្ដ និងម៉ូតូឡើងមកលើផ្លូវជាតិលេខ១ទៅកាន់រោងចក្រនៅក្រុងបាវិតឡើយ ដោយតម្រូវឱ្យអ្នកបើកបររថយន្ដដឹកកម្មករ-កម្មការិនីត្រឡប់ទៅផ្ទះវិញ និងមិនឱ្យទៅធ្វើបាតុកម្មទៀតទេ ។
វិធានការនេះគឺទុកពេលឱ្យអាជ្ញាធរមានសមត្ថកិច្ចនិងម្ចាស់តំបន់សេដ្ឋកិច្ចពិសេស ព្រមទាំងថៅកែរោងចក្ររកដំណោះស្រាយ និងពិនិត្យការខូចខាតទ្រព្យសម្បត្ដិរោងចក្រដែលក្រុមកម្មករគប់ដុំថ្ម និងវាយបំផ្លាញ ។ អ្នកសង្កេតការណ៍របស់អង្គការសង្គមស៊ីវិល និងមហាជន កំពុងតាមដានហេតុការណ៍នេះថា តើដំណោះស្រាយយ៉ាងណា ហើយនៅថ្ងៃទី២ ឧសភា ខាងមុខ កម្មករ-កម្មការិនីនឹងចូលធ្វើការវិញ ឬយ៉ាងណា ។ អង្គការសង្គមសីុវិលបានអំពាវនាវឱ្យកម្មករនិយោជិតចូលធ្វើការវិញ ហើយឈប់ធ្វើកូដកម្មឬបាតុកម្មទៀត ។ ព្រឹត្ដិការណ៍ដែលបានកើតមានឡើងនៅឯក្រុងបាវិតនោះ សមាគមរោងចក្រកាត់ដេរនៅកម្ពុជា (GMAC) បានអំពាវនាវដល់រាជរដ្ឋាភិបាលនិងស្ថាប័នពាក់ព័ន្ធ សូមឱ្យចាត់វិធានការទប់ស្កាត់ឱ្យមានប្រសិទ្ធភាពដើម្បីធានាសន្ដិសុខ សុវត្ថិភាពដល់អ្នកវិនិយោគនិងកម្មករ-កម្មការិនីដែលមានបំណងចូលធ្វើការ ។
សេចក្ដីថ្លែងការណ៍របស់ GMAC ចុះថ្ងៃទី២៨ មេសា បានប្រកាសថា សមាគមបានអំពាវនាវយ៉ាងទទូច តាមរយៈសេចក្ដីប្រកាសព័ត៌មានចុះថ្ងៃទី២៥ មេសា ឆ្នាំ២០១៤ ឱ្យរាជរដ្ឋាភិបាល ស្ថាប័នពាក់ព័ន្ធ និងអាជ្ញាធរដែនដីចាត់វិធានការទប់ស្កាត់បាតុកម្មដែលបាននិងកំពុងកើតឡើងនៅក្នុងតំបន់សេដ្ឋកិច្ចពិសេសតាយសេង និងមេនហានធេន ក្រុងបាវិត តែរហូតមកដល់ពេលនេះ បាតុកម្មនៅតែបន្ដកើតឡើងដដែល និងគ្មានការទប់ស្កាត់ឡើយ ។ សមាគមរោងចក្រកាត់ដេរនៅកម្ពុជា (GMAC) ចាត់ទុកថា ការមិនអើពើ និងបណ្ដែតបណ្ដោយឱ្យសហព័ន្ធសហជីព ធ្វើអ្វីតាមតែអំពើចិត្ដ គឺជាការបំផ្លាញនូវទំនុកចិត្ដរបស់អ្នកវិនិយោគទៅលើរាជរដ្ឋាភិបាលនៅក្នុងការការពារសុវត្ថិភាព និងផលប្រយោជន៍ស្របច្បាប់របស់ពួកគេ និងជាការដើរផ្ទុយពីគោលនយោបាយរបស់រាជរដ្ឋាភិបាលដែលខិតខំកៀរគរអ្នកវិនិយោគឱ្យមកធ្វើធុរកិច្ចនៅកម្ពុជា ។
ចំណែកការធ្វើកូដកម្មរបស់កម្មករ-កម្មការិនីជាង៣.០០០នាក់ របស់រោងចក្រស្បែកជើងជូហួយ នៅស្រុកជើងព្រៃ ខេត្ដកំពង់ចាម វិញ តាមព័ត៌មានបានឱ្យដឹងថា នៅថ្ងៃទី២៩ មេសាសមត្ថកិច្ចគ្រប់ផ្នែកក្នុងនោះមានដូចជា នគរបាលអន្ដរាគមន៍ខេត្ដ កងរាជអាវុធហត្ថ និងទាហាន ព្រមទាំងកងកម្លាំងនៅមូលដ្ឋាន បានត្រៀមជើងការប្រដាប់ដោយខែល រថយន្ដពន្លត់អគ្គិភ័យ ដើម្បីទប់ទល់នឹងក្រុមបាតុករ ប្រសិនណាបើមានការបិទផ្លូវជាតិលេខ៦ ដូចកាលពីថ្ងៃទី២៨ មេសា ។ នៅព្រឹកថ្ងៃទី២៩ មេសា លោក ខ្យង ស្រេង តំណាងកម្មករ-កម្មការិនីជាង៣.០០០នាក់ បានប្រាប់តាមទូរស័ព្ទឱ្យដឹងថា ដោយសារតែការទាមទារលក្ខខណ្ឌចំនួន៣ចំណុច នៅព្រឹកថ្ងៃទី២៨ មេសា មិនបានសម្រេច ទើបនាំគ្នាបិទផ្លូវជាតិលេខ៦ ។ នៅព្រឹកថ្ងៃទី២៩ មេសា រូបលោករួមនឹងកម្មករ-កម្មការិនីរាប់ពាន់នាក់ បន្ដការទាមទារទៀត ។ លោក ខ្យង ស្រេង បានប្រាប់ថា លក្ខខណ្ឌ៣ចំណុចដែលកម្មករតវ៉ានោះ ថៅកែរោងចក្របានយល់ព្រមតែចំណុចទី៣ ដែលលើកឡើងថា ឱ្យក្រុមហ៊ុនជួយសម្រួលដល់អ្នកបើកបររថយន្ដឱ្យមានកន្លែងចតត្រឹមត្រូវ ឬជួយបង់ប្រាក់សម្រាប់ថ្លៃផ្ញើរថយន្ដប្រចាំខែចំនួន៥ដុល្លារ ក្នុង១ខែ ដល់អ្នកបើកបររថយន្ដទាំងអស់ ។
នៅព្រឹកថ្ងៃទី២៩ មេសា កម្មករ-កម្មការិនីប្រហែលជាង១.០០០នាក់ បានចូលធ្វើការ ចំណែក២.០០០នាក់ទៀត មិនចូលធ្វើការទេ និងនាំគ្នាត្រឡប់ទៅផ្ទះវិញ ។ ដោយសារតែមានការណែនាំពីលោកអភិបាលរងខេត្ដ ក្នុងនាមតំណាងកម្មករមិនបានបិទផ្លូវបន្ដទៀតទេនាព្រឹកថ្ងៃទី២៩ មេសា ។ ចំពោះកូដកម្ម ឬបាតុកម្មក៏មិនធ្វើទៀតដែរ ដោយគ្រាន់តែនាំគ្នាមិនចូលធ្វើការប៉ុណ្ណោះ ព្រោះនៅសល់២ចំណុចទៀតដែលមិនបានដោះស្រាយ ។
លោក ឆាយ វ៉ាន់ស៊ី អភិបាលស្រុកជើងព្រៃ បានប្រាប់តាមទូរស័ព្ទថា ដោយសារតែមានការណែនាំពីថ្នាក់លើ នៅវេលាម៉ោង៥ភ្លឺ ថ្ងៃទី២៩ មេសា រូបលោកបានដឹកនាំកងកម្លាំងគ្រប់ផ្នែកចុះទៅដល់មុខរោងចក្រជូហួយ ដែលមានទីតាំងស្ថិតនៅឃុំខ្នុរដំបង ស្រុកជើងព្រៃ រួមទាំងរថយន្ដពន្លត់អគ្គិភ័យផង ដើម្បីត្រៀមជើងការទប់ទល់នឹងក្រុមបាតុករ ហើយប្រសិនបើមានការបិទផ្លូវដូចនៅថ្ងៃទី២៨ មេសា នឹងចាត់វិធានការតាមច្បាប់ ។
លោកអភិបាលស្រុកជើងព្រៃ បានបញ្ជាក់ថា ក្នុងពេលដែលមានបញ្ហាវិវាទកើតឡើងនេះលោក ក្រួច សុផានី អគ្គលេខាធិការរង នៃអគ្គលេខាធិការដ្ឋានគណៈកម្មការសម្រាប់ដោះស្រាយបញ្ហាកូដកម្ម បាតុកម្ម គ្រប់មុខសញ្ញា បានអញ្ជើញមកចូលរួមប្រជុំដោះស្រាយជាមួយនឹងថៅកែរោងចក្រស្បែកជើង រហូតដល់ម៉ោង១និង៣០នាទីរសៀលថ្ងៃទី២៩ មេសា តែមិនមានការជឿនលឿនទៅមុខទេ ៕
ចែករំលែកព័តមាននេះ