រាជធានីភ្នំពេញ ៖ ស្រាបៀរ​សឹង្ហារៀបចំកម្មវិធី​ដ៏អស្ចារ្យមួយ​គឺ SINGHA STADIUM ដែលមានការ​ផ្សាយ​បន្តផ្ទាល់​ពីការ​ប្រកួត​បាល់ទាត់​ដ៏​អស្ចារ្យរវាង​ក្រុម​ហង្សក្រហម Liverpool និងតោខៀវ Chelsea នារាត្រីថ្ងៃ​អាទិត្យ ទី២៧ ​មេសា ​២០១៤ នៅក្នុង​អាគារ​តាំង​ពិព័ណ៌កោះ​ពេជ្រ ។

មហា​ព្រឹត្តិការណ៍ដ៏អស្ចារ្យ​នេះ ក៏មានការ​ប្រគំតន្រ្តី និងផ្ទាំងទស្សនីយ​ភាពការផ្សាយ​បន្តផ្ទាល់ពីការប្រកួត​បាល់ទាត់ពិភព​លោក រវាង​ក្រុម​ហង្សក្រហម Liverpool និង​តោខៀវ Chelsea ដោយ​មានការសម្តែងពីតារា​ចម្រៀងល្បីៗ​ក្នុងព្រះរាជាណាចក្រ​កម្ពុជា គឺលោក ឆាយ វីរៈយុទ្ធ, កញ្ញាទេព បូព្រឹក្ស, លោកនីកូ និងក្រុមអ្នកចម្រៀងដ៏ល្បី​ប្រចាំ SKY Club ផង​ដែរ ។ កម្មវិធីនេះ ក៏បានធ្វើឡើងក្នុង​គោល​បំណង​លើកស្ទួយគាំទ្រវិស័យ​កីឡា​និងសិល្បៈឱ្យមានការអភិវឌ្ឍន៍​ឈានទៅមុខ​ជា​លំដាប់​ក្នុង​ប្រទេស​កម្ពុជា ។

ក្នុង​មហាព្រឹត្តិការណ៍នេះដែរ មានការលក់បញ្ចុះ​តម្លៃ​រង្វាន់ជាច្រើនរួម​ទាំង​ទទួលបានស្រាបៀរ​សឹង្ហាចំនួន​២កំប៉ុង ​ដោយឥតគិតថ្លៃ​ជាមួយ​ប័ណ្ណទស្សន៍​ទាយលទ្ធផល​បាល់ទាត់ថែ​មទៀត​ផង ដោយលោកអ្នកគ្រាន់​តែយកសំបុត្រ​ទៅប្ដូរនៅតាម​ស្តង់ពី​នារីចែក​ចាយ​របស់​ស្រាបៀរ​សឹង្ហា ហើយរង្វាន់ដែល​ឈ្នះរួមមាន ​អាវយឺតរបស់ក្រុម​តោខៀវ Chelsea អាវយឺត​សឹង្ហា Chelsea និងមួក​តោខៀវ Chelsea ។

សូមកុំភ្លេចរង់ចាំ​ទស្សនាការផ្សាយបន្តផ្ទាល់​ការប្រកួតបាល់ទាត់ដ៏​អស្ចារ្យរបស់ Singha Stadium នៅខែក្រោយទៀត ។