តាមគេហទំព័របរទេសមួយផ្សាយថា ក្រសួងពាណិជ្ជកម្មរបស់ប្រទេសថៃមានក្ដីរំពឹងពីការនាំចេញរបស់ខ្លួននឹងកើនឡើងពី៧%ទៅ៩%នៅក្នុងត្រីមាសទី២ ដោយសារតែការប្រសើរឡើងវិញនៃសេដ្ឋកិច្ចពិភពលោក បើទោះជាការដឹកជញ្ជូនទំនិញកាលពីខែមុនធ្លាក់ចុះយ៉ាងណាក៏ដោយ ។
តាមគេហទំព័របរទេសមួយផ្សាយថា ក្រសួងពាណិជ្ជកម្មរបស់ប្រទេសថៃមានក្ដីរំពឹងពីការនាំចេញរបស់ខ្លួននឹងកើនឡើងពី៧%ទៅ៩%នៅក្នុងត្រីមាសទី២ ដោយសារតែការប្រសើរឡើងវិញនៃសេដ្ឋកិច្ចពិភពលោក បើទោះជាការដឹកជញ្ជូនទំនិញកាលពីខែមុនធ្លាក់ចុះយ៉ាងណាក៏ដោយ ។
ក្រសួងបានថ្លែងថា ការនាំចេញក្នុងខែមីនាបានធ្លាក់ចុះ៣,១២%ពីមួយឆ្នាំទៅមួយឆ្នាំស្មើនឹងទឹកប្រាក់១៩,៩៤ពានលានដុល្លារ ខណៈដែលការដឹកជញ្ជូនទំនិញក្នុងត្រីមាសទី១បានធ្លាក់ចុះ១%ស្មើនឹង៥៦,២១ពាន់លានដុល្លារ ។ ចំណែកការនាំចូលរបស់ថែក្នុងខែមីនាកន្លងមកបានធ្លាក់ចុះ១៤,១៩%ពីមួយឆ្នាំទៅមួយឆ្នាំ គិតជាទឹកប្រាក់ប្រមាណ១៨,៤៨ពាន់លានដុល្លារ ។ រីឯការនាំចូលទៅក្នុងរយៈពេល៣ខែដំបូងដើមឆ្នាំ២០១៤ នេះក៏ធ្លាក់ចុះ១៥,៤១%ស្មើនឹង៥៥,៥ពាន់លានដុល្លារផងដែរ ។ លទ្ធផលនេះបានធ្វើឱ្យប្រទេសថៃសម្រេចបានផលលើសផ្នែកពាណិជ្ជកម្មចំនួន១,៤៥ពាន់លានដុល្លារក្នុងខែមីនា និង៧០៦លានដុល្លារនៅក្នុងត្រីមាសដំបូង ។
ដោយឡែកការនាំចេញក្នុងផ្នែកឧស្សាហកម្មបានកើនឡើង១,៩%កាលពីខែមុន ក្នុងនោះការនាំចេញនៃទំនិញកសិកម្មនិងឧស្សាហកម្មបានធ្លាក់ចុះ៨,២% ។ រីឯការនាំចូលប្រេងឥន្ធនៈកាលពីខែមុនក៏ធ្លាក់ចុះ៩,៧%ផងដែរ ធៀបនឹងឆ្នាំមុន ។ ម្យ៉ាងទៀតការនាំចូលមាសនៅក្នុងអំឡុងដែលដូចគ្នានេះធ្លាក់ចុះ៦៨,១%ស្មើនឹង៤៦៨លានដុល្លារ ៕
ចែករំលែកព័តមាននេះ