វិស័យសំណង់កម្ពុជាស្ទុះឡើងខ្លាំងគួរកត់សម្គាល់នៅឆ្នាំ២០២៥
វិស័យសំណង់នៅកម្ពុជា ត្រូវបានក្រសួងរៀបចំដែនដី នគរូបនីយកម្ម និងសំណង់ បានអះអាងថា មានការកម្រើកឡើង ដល់ទៅជិត៧០ភាគរយ ។ របាយការណ៍ដែលផ្សព្វផ្សាយ ដោយក្រសួងថ្មីៗនេះបានឲ្យដឹងថា…
វិស័យសំណង់នៅកម្ពុជា ត្រូវបានក្រសួងរៀបចំដែនដី នគរូបនីយកម្ម និងសំណង់ បានអះអាងថា មានការកម្រើកឡើង ដល់ទៅជិត៧០ភាគរយ ។
របាយការណ៍ដែលផ្សព្វផ្សាយ ដោយក្រសួងថ្មីៗនេះបានឲ្យដឹងថា នៅឆ្នាំ២០២៥ ក្រសួងបានសន្និដ្ឋានថា វិស័យសំណង់កម្ពុជា មានកំណើនកើនឡើង ដល់ទៅ៦៨,៨៩ ភាគរយ បើធៀបនឹងឆ្នាំ២០២៤ ។
តាមរបាយការណ៍បូកសរុប បានឲ្យដឹងថា នៅឆ្នាំ២០២៥នេះ សំណង់មាន៣.៥០៣គម្រោង ដែលមានផ្ទៃក្រឡាសរុបជាង១៨,៦៧ លានម៉ែត្រការ៉េ គិតជាទឹកប្រាក់មានតម្លៃ៧,៣២ ពាន់លានដុល្លារ ។
ប្រភពដដែលបានឲ្យដឹងថា កម្ពុជាមានគម្រោងអគារខ្ពស់ៗ ចាប់ពី៥ជាន់ឡើងទៅចំនួន២២៨ គម្រោង ។ អគារកម្ពស់ពី៥ទៅ៩ជាន់មាន១.៩០៥កន្លែង អគារពី១០ទៅ១៩ជាន់មាន៨៥១កន្លែង អគារចាប់ពី២០ទៅ២៩ជាន់មានមាន២៧៧កន្លែង ចាប់ពី៣០ទៅ៣៩មាន១៥៦កន្លែង និងពីចាប់ពី៤០ជាន់ឡើងមាន ៦៥កន្លែង ៕
ចែករំលែកព័តមាននេះ