តម្លៃកាហ្វេពិភពលោកធ្លាក់ចុះ បន្ទាប់ពីលោក ត្រាំ លុបចោលពន្ធលើប្រេស៊ីល
សហរដ្ឋអាមេរិក ៖ តម្លៃកាហ្វេពិភពលោកបានធ្លាក់ចុះ កាលពីថ្ងៃទី២១ ខែវិច្ឆិកា ឆ្នាំ២០២៥ បន្ទាប់ពីប្រធានាធិបតីសហរដ្ឋអាមេរិក ដូណាល់ ត្រាំ (Donald…
សហរដ្ឋអាមេរិក ៖ តម្លៃកាហ្វេពិភពលោកបានធ្លាក់ចុះ កាលពីថ្ងៃទី២១ ខែវិច្ឆិកា ឆ្នាំ២០២៥ បន្ទាប់ពីប្រធានាធិបតីសហរដ្ឋអាមេរិក ដូណាល់ ត្រាំ (Donald Trump) បានលុបចោលពន្ធ ៤០% លើការនាំចូលផលិតផលកសិកម្មពីប្រទេសប្រេស៊ីលជាច្រើន រួមទាំងគ្រាប់កាហ្វេបៃតងផងដែរ។ នេះបើតាមប្រភពពីទីភ្នាក់ងារសារប័ត៌មាន Reuters បានចេញផ្សាយ។
តម្លៃកាហ្វេលក់រាយរបស់សហរដ្ឋអាមេរិកបានកើនឡើង ៤០% ជារៀងរាល់ឆ្នាំ នៅក្នុងខែកញ្ញា ដែលមួយផ្នែកដោយសារតែពន្ធគយតែម្តង។ ទោះយ៉ាងណាក៏ដោយ ការកើនឡើងតម្លៃស្បៀងអាហារនៅអាមេរិក គឺជាកត្តាចម្បងមួយដែលធ្វើឱ្យលោក ត្រាំ សម្រេចទម្លាក់អត្រាពន្ធដល់កម្រិតទាបបំផុត កាលពីពេលថ្មីៗនេះ ចាប់តាំងពីលោកវិលត្រឡប់មកកាន់អំណាចវិញ។
ការផ្លាស់ប្តូរភ្លាមៗរបស់លោក ត្រាំ ធ្វើឡើងបន្ទាប់ពីបទបញ្ជាស្រដៀងគ្នា ដែលត្រូវបានប្រកាសកាលពីពាក់កណ្តាលខែវិច្ឆិកាកន្លងទៅ ដើម្បីកាត់បន្ថយពន្ធលើកាហ្វេ ព្រមទាំងផលិតផលជាច្រើនទៀតពីបណ្តាប្រទេសផលិត។ ប្រេស៊ីល ប្រទេសដាំដុះកាហ្វេកំពូលរបស់ពិភពលោក គឺជាអ្នកផ្គត់ផ្គង់កាហ្វេកំពូលរបស់អាមេរិក ដែលជាអ្នកប្រើប្រាស់កាហ្វេធំជាងគេបំផុតរបស់ពិភពលោក ជាមួយចំណែកប្រហែលមួយភាគបី ហើយការលុបពន្ធនាំចូល អនុញ្ញាតឱ្យលំហូរគ្រាប់កាហ្វេប្រេស៊ីលចូលទៅក្នុងស្តុកកាហ្វេអាមេរិកដែលខ្វះខាតយ៉ាងឆាប់រហ័ស។
កិច្ចសន្យាអនាគតសម្រាប់ការទិញកាហ្វេអារ៉ាប៊ីកា (Arabica) លើផ្សារ ICE ក្រោមការអនុវត្តច្បាប់អន្តោប្រវេសន៍ និងគយអាមេរិក បានធ្លាក់ចុះ ២% នៅក្នុងតម្លៃ ៣,៦៩ដុល្លារក្នុង១ផោន ឬស្មើនឹង ០,៤៥គីឡូក្រាម បន្ទាប់ពីបានធ្លាក់ចុះកម្រិតទាបបំផុតនៅក្នុងរយៈពេលពីរខែ ពោលជាង ៦%។ ចំណែកកាហ្វេរ៉ូប៊ូស្តា (Robusta) បានធ្លាក់ចុះ ២,៧% មកនៅត្រឹម ៤ ៥០៦ដុល្លារក្នុង១តោន បន្ទាប់ពីធ្លាក់ចុះ ៨% កាលពីវគ្គមុន៕
ចែករំលែកព័តមាននេះ