រាជធានីភ្នំពេញ ៖ បន្ទាប់ពីឈប់សម្រាកអស់រយៈពេល២សប្តាហ៍ក្នុងឱកាសបុណ្យចូលឆ្នាំថ្មីប្រពៃណីជាតិ ការប្រកួតបាល់ទាត់ដណ្តើមពានរង្វាន់ខ្មែររៀលអីុស្ទេតប្រចាំឆ្នាំ២០១៤ បានចាប់ផ្តើមដំណើរការវិញហើយ កាលពីថ្ងៃអាទិត្យទី២៧ មេសា នៅលើទីលានដដែល ។ ពូល A ដែលលេងពេលព្រឹកនៅលើទីលានដំរីសក្នុងមជ្ឈមណ្ឌលគរុកោសល្យភូមិភាគរាជធានីភ្នំពេញ អូរបែកក្អម ក្រុមខ្មែរយូណាយធីត
រាជធានីភ្នំពេញ ៖ បន្ទាប់ពីឈប់សម្រាកអស់រយៈពេល២សប្តាហ៍ក្នុងឱកាសបុណ្យចូលឆ្នាំថ្មីប្រពៃណីជាតិ ការប្រកួតបាល់ទាត់ដណ្តើមពានរង្វាន់ខ្មែររៀលអីុស្ទេតប្រចាំឆ្នាំ២០១៤ បានចាប់ផ្តើមដំណើរការវិញហើយ កាលពីថ្ងៃអាទិត្យទី២៧ មេសា នៅលើទីលានដដែល ។ ពូល A ដែលលេងពេលព្រឹកនៅលើទីលានដំរីសក្នុងមជ្ឈមណ្ឌលគរុកោសល្យភូមិភាគរាជធានីភ្នំពេញ អូរបែកក្អម ក្រុមខ្មែរយូណាយធីត បានយកឈ្នះលើក្រុមអាកាសចរណ៍សីុវិលក្នុងលទ្ធផល 5-1 និងមួយប្រកួតទៀតក្រុម YFC និងក្រុម Good Hill FC បន្ទាប់ពីប្រកួតគ្នាយា៉ងស្វិតស្វាញបានត្រឹមទទួលលទ្ធផលស្មើគ្នា២ទល់នឹង២ ។
មកដល់ពេលនេះក្រុមទាំង៤លេងបាន៥ប្រកួតដូចគ្នាតែទទួលលទ្ធផលមិនដូចគ្នាទេ ក្នុងនោះក្រុមខ្មែរយូណាយធីត និងក្រុមអាកាសចរណ៍សីុវិលលេងបាន៥ប្រកួត ឈ្នះ៣ប្រកួតចាញ់២ប្រកួត មាន៩ពិន្ទុដូចគ្នា ។ ចំណែកក្រុម YFC ប្រាំប្រកួតឈ្នះ២ប្រកួតស្មើ២ប្រកួត និងចាញ់១ប្រកួតមាន៨ពិន្ទុ ខណៈក្រុម Good Hill FC ប្រាំប្រកួតឈ្នះ១ប្រកួតស្មើ២ប្រកួត និងចាញ់២ប្រកួតមាន៥ពិន្ទុប៉ុណ្ណោះ កំពុងប្រឈមនឹងការជ្រុះចេញពីវគ្គជម្រុះនេះ ។
ការប្រកួតនៅពេលល្ងាច ក្រុម Heng Asia លេងស្មើ ១-១ ជាមួយក្រុម RFL FC ចំណែកក្រុមម្ទេសខ្មាំង ដែលលេងនៅម៉ោងចុងក្រោយចាញ់ក្រុម៧មករា ៥-១ ។ នៅលើទីលាន Don Bosco ជិតវត្តសំរោងអណ្តែតឯណោះវិញ សម្រាប់ពូលB លេងពេលព្រឹកមាន២ប្រកួត ក្រុមទួលសង្កែ បានយកឈ្នះលើក្រុមខ្លាសក្នុងលទ្ធផល ៥-២ ។ ក្រុមទទួលសង្កែលេងបាន៥ប្រកួតឈ្នះ៤ប្រកួត ចាញ់១ប្រកួតមាន១២ពិន្ទុ ចំណែកឯក្រុមខ្លាសវិញនោះចាញ់៣ប្រកួតឈ្នះ១ប្រកួតស្មើ១ប្រកួត មាន៤ពិន្ទុ ។ មួយប្រកួតទៀតក្រុម Sabay លេងស្មើ ០-០ ជាមួយក្រុមកូនខ្មែរ ។
មកដល់ពេលនេះក្រុមទាំង៤នេះក៏លេងបាន៥ប្រកួតដូចក្រុមឯទៀតដែរ ក្នុងនោះក្រុម Heng Asia មិនដែលស្គាល់ឈ្នះម្តងណាឡើយ ខណៈក្រុម RFL FC ឈ្នះ២ប្រកួតស្មើ២ប្រកួត និងចាញ់១ប្រកួតមាន៨ពិន្ទុ ។ ដោយឡែក ក្រុមម្ទេសខ្មាំងលេង៥ប្រកួតចាញ់៤ប្រកួត ស្មើ១ប្រកួត មាន១ពិន្ទុ ចំណែកក្រុម៧មករា ឈ្នះទាំង៥ប្រកួតមាន១៥ពិន្ទុ ។ ក្រុម Sabay និងក្រុមកូនខ្មែរលេងបាន៥ប្រកួត ឈ្នះ៣ប្រកួត ស្មើ២ប្រកួតមាន១១ពិន្ទុដូចគ្នា ។
ចំណែកការប្រកួតនៅពេលល្ងាច ក្រុម EZECOM FC បានយកឈ្នះក្រុមមករាយូណាយធីត (A) ៥-១ ។ ប្រកួត៥លើក ក្រុម EZECOM ឈ្នះ៣លើក ស្មើ២លើកមាន១១ពិន្ទុ រីឯក្រុមមករាយូណាយធីត (A) វិញនោះ មិនធ្លាប់ស្គាល់ឈ្នះម្តងណាឡើយ ។
មួយប្រកួតទៀតក្រុមខ្មែរយូណាយធីត (B) លេងចាញ់ក្រុម AMRU FC ៤-១ ។ ក្រុមខ្មែរយូណាយធីត (B) លេងបាន៥ប្រកួត ឈ្នះ២ប្រកួត ចាញ់៣ប្រកួត មាន៦ពិន្ទុ ឯក្រុម AMRU FC ៥ប្រកួតឈ្នះ៣ប្រកួត ចាញ់១ប្រកួត ស្មើ១ប្រកួតមាន១០ពិន្ទុ ៕
ចែករំលែកព័តមាននេះ