ការ​​ប្រកួត​បាល់​​ទាត់​យូហ្វាឆេម​ពានលីក​វគ្គ​ ពាក់​កណ្ដាល​ផ្ដាច់​ព្រ័ត្រ​ជើង​ទី​ 2 សម្រាប់​រាត្រី​ថ្ងៃ​ពុធ​នេះ​មាន​ 1 ប្រកួត​ ។​ តើ​គ្រូ​បង្វិក​មុខ​មាំ​ម៉ូរីញ៉ូ​​អាច​ជួយ​ឱ្យ​ក្រុម​ Chelsea យក​ឈ្នះ​ក្រុម Atletico បាន​ឬ​អត់​ក្នុង​ទឹក​ដី​ ?​

Chelsea V Atletico
Chelsea ធ្លាប់​ជាប់​ជើង​ឯក​យូហ្វា​ឆេម​ពាន​លីក​ម្ដង​កាល​ពី​ឆ្នាំ​ 2012 ក្រោយ​ពី​លេង​​ឈ្នះ​ ​Bayern 4-3 កាត់​សេចក្ដី​ដោយ​ការ​ទាត់​បាល់​ប៉េណាល់ទី​ ។​ លើស​ពី​នេះ​ទៀត​ក្រុម​ Chelsea​ ក៏​ធ្លាប់​ជាប់​ចំណាត់​ថ្នាក់​លេខ​ 2 ម្ដង​ដែរ​កាល​ពី​ឆ្នាំ​ 2008 ក្រោយ​ពី​លេង​ចាញ់​បង​ប្រុស​បង្កើត​ Man Utd 6-5 កាត់​សេចក្ដី​ដោយ​ការ​ទាត់​បាល់​ប៉េណាល់​ទី​ដែរ​ ។ នៅ​ក្នុង​លីក​ Chelsea ឈរ​លំដាប់​លេខ​ 2 ក្នុង​តារាង​ ។​ ប្រវត្ដិ​ក្នុង​ផ្ទះ​ 18 ប្រកួត​គឺ​ 15-2-1 ។​ លទ្ធផល​ 5 ប្រកួត​ចុង​ក្រោយ​គឺ​ 4-1-0 ។​ 3 ប្រកួត​ចុង​ក្រោយ​គឺ​លេង​ចាញ់​ Sunderland 2-1 ក្នុង​ផ្ទះ​ ស្មើ​ Atletico 0-0 បន្ទាប់​មក​លេង​ឈ្នះ​ Liverpool 2-0 ក្រៅ​ផ្ទះ​ ។​
Atletico មិន​ធ្លាប់​ជាប់​ជើង​ឯក​យូហ្វា​ឆេម​ពាន​លីក​ទេ​ តែ​ធ្លាប់​ទទួល​បាន​ចំណាត់​ថ្នាក់​លេខ​ 2 ម្ដង​កាល​ពី​ឆ្នាំ​ 1974 ក្រោយ​ពី​ប្រកួត​ចាញ់​ក្រុម​  Bayern 4-0 នៅ​ទី​ក្រុង​ប្រ៊ូសែល​ ប្រទេស​បែលហ្ស៊ិក​ ។​ នៅ​ក្នុង​លីក​អេស្ប៉ាញ​ Atletico កំពុង​ឈរ​តំណែង​លេខ​ 1 ក្នុង​តារាង​ជា​មួយ​នឹង​ប្រវត្ដិ​ក្រៅ​ផ្ទះ​ 17 ប្រកួត​គឺ​ 13-1-3 ។​  Atletico ធ្លាប់​ធ្វើ​ឱ្យ​ Chelsea ឈឺ​ចាប់​ដោយ​យក​ឈ្នះ​
4-1 ក្នុង​ការ​ប្រកួត​យូហ្វា​ស៊ុបពើរ​លីក​ឆ្នាំ​ 2012​ ។​ លទ្ធផល​ 5 ប្រកួត​ចុង​ក្រោយ​គឺ​ 4-1-0 ។​ 3 ប្រកួត​ចុង​ក្រោយ​គឺ​លេង​ឈ្នះ​ Elche 2-0 ស្មើ​ Chelsea 0-0 ក្នុង​ផ្ទះ​ បន្ទាប់​មក​លេង​ឈ្នះ​ Valencia 1-0 ក្រៅ​ផ្ទះ​ ។​
ប្រវត្ដិ​ជួប​គ្នា​ 4 ប្រកួត​គឺ​៖​
10-09 Chelsea 4-0 Atletico
11-09 Atletico 2-2 Chelsea
09-12 Chelsea 1-4 Atletico
04-14 Atletico 0-0 Chelsea

ទស្សនៈ​ WDW: Chelsea​ ឈ្នះ​ 1-0
​PD: Chelsea​ ឈ្នះ​ 2-1
Asianbookie យក​ Atletico