ថ្មីៗនេះក្រុមហ៊ុនផលិតរថយន្តយីហោជប៉ុន Mazda បានបង្ហាញនូវរបាយការណ៍នៃប្រតិបត្តិការលក់រថយន្តទទួលបានប្រាក់ចំណេញខ្ពស់បំផុតពុំធ្លាប់មាននៅក្នុងប្រវត្តិ៩៤ឆ្នាំរបស់ខ្លួនគឺសម្រេចបានប្រហែល១,៨៨ពាន់លានដុល្លារអាមេរិក ។ លទ្ធផលដ៏គួរឱ្យរំភើបនេះភាគច្រើនទទួលបានពីការកើនឡើងនៃកម្រិតប្រាក់ចំណេញខ្ពស់ជាងមុនសម្រាប់ត្រីមាសទី៤នៃឆ្នាំមុន ។ ចំណែកទីផ្សារលក់នៅលើពិភពលោកសម្រេចបាន១,៣៣លានគ្រឿងកើនឡើងត្រឹមតែ៨%ប៉ុណ្ណោះ ។
ការកើនឡើងខ្ពស់បំផុតគឺនៅក្នុងតំបន់អឺរ៉ុប ជាពិសេសនៅប្រទេសអង់គ្លេសនិងអាល្លឺម៉ង់ បើទោះជាទីផ្សាររថយន្តប្រភេទទេសចរណ៍ជាទូទៅមានលក្ខណៈលក់ស្ងាត់បន្តិចទូទាំងទ្វីបអឺរ៉ុបក៏ដោយ ។ ការលក់ក៏បានកើនឡើង១០%នៅអាមេរិកខាងជើងនិងប្រទេស
ចិន ។ ក្រុមហ៊ុនMazda បានលើកឡើងនៅក្នុងសេចក្ដីថ្លែងការណ៍ថា ជោគជ័យរបស់ខ្លួនអាចសន្មត់ថាស្ថិតនៅលើគ្រប់ម៉ូដែលសេ៊រីថ្មីរបស់ខ្លួនទាំងស្រុង ។
ក្នុងនោះក៏មានការរួមចំណែកពីការពុះពារស្វែងរកនូវភាពគួរឱ្យជឿជាក់នៃលក្ខណៈពិសេសនៃបច្ចេកវិទ្យារបស់ម៉ាសីុនSKYACTIV និងការឈ្នះរង្វាន់KODO ជាដើមដែលបម្រើឱ្យការរចនាម៉ូដជាតម្រូវការសម្រាប់Mazda CX-5និងMazda6 ។ទោះជាយ៉ាងណាក៏ដោយក្រុមហ៊ុនមានក្ដីរំពឹងថានឹងបន្តនូវកំណើនសម្រាប់រយៈពេល១២ខែបន្ទាប់ដែលមានការប៉ាន់ប្រមាណទុកនូវកំណើនក្នុងប្រាក់ចំណូលនៃការលក់ទូទាំងពិភពលោករបស់ខ្លួនប្រមាណជា៨%ពីមួយឆ្នាំទៅមួយឆ្នាំ ៕
ចែករំលែកព័តមាននេះ