អគ្គីភ័.យនៅហុងកុង ៖ មនុស្ស២នាក់ទៀតត្រូវចាប់ខ្លួន ខណៈអ្នកស្លា.ប់កើនដល់១២៨នាក់
ទីក្រុងហុងកុង ៖ នៅរសៀលថ្ងៃទី២៨ ខែវិច្ឆិកា ឆ្នាំ២០២៥ យោងតាមប្រភពពីកាសែត South China Morning Post…
ទីក្រុងហុងកុង ៖ នៅរសៀលថ្ងៃទី២៨ ខែវិច្ឆិកា ឆ្នាំ២០២៥ យោងតាមប្រភពពីកាសែត South China Morning Post បានឱ្យដឹងថា គណៈកម្មការប្រឆាំងអំពើពុករលួយរបស់ហុងកុង (ICAC) បានចាប់ខ្លួនបុគ្គលិកជាន់ខ្ពស់ចំនួន ២ នាក់ពីក្រុមហ៊ុន Will Power Architects ដែលជាក្រុមហ៊ុនប្រឹក្សាយោបល់ទទួលបន្ទុកគម្រោងជួសជុលអគារអាផាតមិន Wong Fuk Court ដែលឆាបឆេះក្នុងទីក្រុងសង្កាត់ ថៃ ប៉ូ (Tai Po)។ ដូច្នេះចំនួនមនុស្សសរុបត្រូវបានចាប់ខ្លួនទាក់ទងនឹងអគ្គីភ័យដ៏រន្ធត់នេះ កើនឡើងដល់ ៥ នាក់។ គួររំលឹកថា ករណីឆេះដ៏អាក្រក់នៃបណ្ដាអគារខ្ពស់នៅហុងកុង អ្នកស្លា.ប់កើនឡើងដល់៩៤នាក់
គិតត្រឹមរសៀលថ្ងៃទី២៨ ខែវិច្ឆិកា ឆ្នាំ២០២៥ គ្រោះមហន្តរាយឆេះអគារអាផាតមិននៅសង្កាត់ ថៃ ប៉ូ បានឆក់យកជីវិតមនុស្ស ១២៨ នាក់ និងរបួស ៧៩ នាក់។ ក្នុងសន្និសីទសារព័ត៌មាននៅរសៀលថ្ងៃដដែលនោះ រដ្ឋមន្ត្រីសន្តិសុខហុងកុង លោក Chris Tang បានព្រមានថា ចំនួនអ្នកស្លាប់អាចកើនឡើង ព្រោះនៅតែមានមនុស្សប្រហែល ២០០ នាក់ មិនទាន់ដឹងអំពីទីតាំងរបស់ពួកគេ។ អាជ្ញាធរបានទទួលបណ្តឹងចំនួន ៤៦៧ ករណី ដើម្បីស្វែងរកមនុស្សបាត់ខ្លួន ដែលក្នុងនោះមាន ៣៩ ករណី ត្រូវបានបញ្ជាក់ថាស្លាប់។
កាលពីថ្ងៃទី២៧ វិច្ឆិកា កន្លងទៅ ប៉ូលិសហុងកុងបានចាប់ខ្លួនបុគ្គលិកជាន់ខ្ពស់ ៣ នាក់រួចហើយមកពីក្រុមហ៊ុន Prestige Construction & Engineering ពីបទឃាតកម្មដោយអចេតនា។ ក្រុមហ៊ុនទទួលជួសជុលឡើងវិញមួយនេះ ត្រូវបានចោទប្រកាន់ថាបានប្រើប្រាស់សម្ភារៈមិនអនុលោមតាមស្តង់ដារនៅក្នុងសំណាញ់រន្ទាឫស្សី និងបង្អួចដែលបិទជិតជាមួយស្នោ ទើបបង្កឱ្យមានសោកនាដកម្មនេះ ខណៈដែលសារធាតុងាយឆេះខ្លាំងបានបណ្តាលឱ្យភ្លើងឆេះរាលដាលយ៉ាងឆាប់រហ័ស។
លោក John Lee Ka-chiu ប្រធានរដ្ឋបាលនៃតំបន់រដ្ឋបាលពិសេសហុងកុង បានបញ្ជាឱ្យត្រួតពិនិត្យសំណង់លំនៅដ្ឋានសាធារណៈទាំងអស់ ដែលកំពុងជួសជុលឡើងវិញ និងបានបើកការស៊ើបអង្កេតព្រហ្មទណ្ឌមួយលើអគ្គីភ័យឆាបឆេះអគារអាផាតមិននៅសង្កាត់ ថៃ ប៉ូ ដ៏សាហារបំផុតមិនធ្លាប់មាននៅហុងកុងក្នុងរយៈពេល៧០ឆ្នាំ។
ការងារជួយសង្គ្រោះនៅតែបន្ត ខណៈដែលអណ្តាតភ្លើងដ៏សន្ធោសន្ធៅក្នុងប្លុកទាំងអស់ត្រូវបានគ្រប់គ្រងដោយក្រុមពន្លត់អគ្គិភ័យ ហើយរហូតមកទល់ពេលនេះ មនុស្សចំនួន ៥៦ នាក់ កំពុងសម្រាកព្យាបាលនៅមន្ទីរពេទ្យ៕
ចែករំលែកព័តមាននេះ