BBC ផ្សាយថា ស្ត្រីទេសចរជនជាតិអង់គ្លេសម្នាក់ ត្រូវបញ្ជូនចេញពីស្រីលង្កា ព្រោះតែស្នាមសាក់រូបព្រះពុទ្ធនៅលើដៃ ។ ស្ត្រីនោះត្រូវសមត្ថកិច្ចនៃប្រទេសស្រីលង្កាចាប់ខ្លួនពីបទបំផ្លាញអារម្មណ៍របស់អ្នកកាន់សាសនាដទៃទៀត ។
BBC ផ្សាយថា ស្ត្រីទេសចរជនជាតិអង់គ្លេសម្នាក់ ត្រូវបញ្ជូនចេញពីស្រីលង្កា ព្រោះតែស្នាមសាក់រូបព្រះពុទ្ធនៅលើដៃ ។ ស្ត្រីនោះត្រូវសមត្ថកិច្ចនៃប្រទេសស្រីលង្កាចាប់ខ្លួនពីបទបំផ្លាញអារម្មណ៍របស់អ្នកកាន់សាសនាដទៃទៀត ។
ស្ត្រីឈ្មោះណាអូមី មីេឆល ខូលមេន ដែលធ្វើដំណើរពីឥណ្ឌាកាលពីថ្ងៃទី២១ មេសា ឆ្នាំ២០១៤ ត្រូវចាប់ខ្លួននៅអាកាសយានដ្ឋានក្រុងកូទ្បុំបូ នៅពេលសមត្ថកិច្ចពិនិត្យឃើញមានស្នាមសាក់រូបព្រះពុទ្ធនៅដៃស្តាំ ។ ប៉ូលិសបញ្ជាក់ ស្ត្រីអាយុ៣៧ឆ្នាំរូបនោះ ត្រូវចាប់ខ្លួនពីបទបំផ្លាញអារម្មណ៍របស់អ្នកកាន់សាសនាផ្សេង និងតុលាការបានបញ្ជាឱ្យបញ្ជូនចេញពីប្រទស ។ នាងមីឆេល ខូលមេន ត្រូវឃុំខ្លួននៅមន្ទីរឃុំខ្លួនជនបរទេស មុនពេលបញ្ជូនចេញពីប្រទេស ។
BBC បញ្ជាក់ថា ប្រជាពលរដ្ឋស្រីលង្កាគោរពព្រះពុទ្ធសាសនា ។ ចំណែកអាជ្ញាធរចាត់វិធានការតឹងរ៉ឹងទៅលើបុគ្គលណាម្នាក់ ដែលយល់ថា ជាន់ឈ្លីសាសនាព្រះពុទ្ធ ។ កាលពីខែមុន អ្នកទេសចរជនជាតិអង់គ្លេសម្នាក់ ត្រូវបដិសេធមិនឱ្យចូលអាកាសយានដ្ឋានកូទ្បុំបូ ព្រោះអាជ្ញាធរត្រួតពិនិត្យនៅច្រកចេញ-ចូលអះអាងថា បុរសរូបនោះ និយាយស្តីមិនគោរពព្រះពុទ្ធសាសនា នៅពេលសាកសួរពីស្នាមសាក់រូបព្រះពុទ្ធនៅលើខ្លួនរបស់គេ ។
អាជ្ញាធរអង់គ្លេសបានក្រើនរំលឹកដល់ពលរដ្ឋរបស់ខ្លួន ដែលធ្វើដំណើរទៅស្រីលង្កា ត្រូវឈ្វេងយល់ឱ្យបានច្បាស់ពីបញ្ហាសាសនា និងណែនាំមិនឱ្យថតរូបព្រះពុទ្ធទេ ។ កាលពី២ឆ្នាំមុន អ្នកទេសចរបារាំង ត្រូវតុលាការសម្រេចឱ្យជាប់ពន្ធនាគារប៉ុន្តែទោសត្រូវព្យួរ ពីបទថើបព្រះពុទ្ធរូប ៕
ចែករំលែកព័តមាននេះ