ខេត្តកណ្តាល ៖ សេចក្តីរាយការណ៍ឱ្យដឹងថា កាលពីវេលាថ្ងៃត្រង់ថ្ងៃទី១៧ តុលា មានករណីជនសតិមិនប្រក្រតីម្នាក់ បានលួចរថយន្តដឹកអេតចាយបើកចេញទៅ ខណៈម្ចាស់ចតទុកមុខផ្ទះមិនបានដកសោពេលចូលហូបបាយ នៅចំណុចភូមិព្រែកសំរោង៣ សង្កាត់តាខ្មៅ…
ខេត្តកណ្តាល ៖ សេចក្តីរាយការណ៍ឱ្យដឹងថា កាលពីវេលាថ្ងៃត្រង់ថ្ងៃទី១៧ តុលា មានករណីជនសតិមិនប្រក្រតីម្នាក់ បានលួចរថយន្តដឹកអេតចាយបើកចេញទៅ ខណៈម្ចាស់ចតទុកមុខផ្ទះមិនបានដកសោព
េលចូលហូបបាយ នៅចំណុចភូមិព្រែកសំរោង៣ សង្កាត់តាខ្មៅ ក្រុងតាខ្មៅ តែសំណាងល្អបានឆែកមើលកាមេរ៉ាសុវត្តិភាព ក៏ឃើញដានចាប់បានវិញទាំងឡានទាំងចោរ ត្រង់ចំណុចស្រុកស្អាង ខេត្តកណ្តាល ។
សេចក្តីរាយការណ៍បន្តថា ជនសង្ស័យឈ្មោះ សៅ វិសិដ្ឋ ភេទប្រុស អាយុ១៨ឆ្នាំ ជាមនុស្សមានសតិមិនប្រក្រតី មានទីលំនៅ ភូមិស្ទឹងជ្រៅ សង្កាត់ដេីមមៀន ក្រុងតាខ្មៅ ខេត្តកណ្តាល ។ ជនរងគ្រោះដែលជាម្ចាស់រថយន្តឈ្មោះ ហេង សុខពៅ ភេទប្រុស អាយុ៣៨ឆ្នាំ មានទីលំនៅភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល ជាអ្នកទិញ.លក់អេតចាយ ។
តាមសំដីម្ចាស់រថយន្តបានរៀបរាប់ប្រាប់សមត្តកិច្ចថា រថយន្តរបស់គាត់១គ្រឿងដែលត្រូវជនឡប់សតិលួចនោះ ម៉ាកHYUNDAI MIGHTY ពណ៌ស សេរីឆ្នាំ២០០០ ពាក់ផ្លាកលេខភ្នំពេញ 3B.5819 ។ មុនកើតហេតុរូបគាត់(ហេង សុខពៅ)បានបើករថយន្តដើរទិញអេតចាយតាមភូមិ នៅពេលទិញបានពេញរថយន្តហើយ ក៏បើកទៅផ្ទះចូលហូបបា យ ដើម្បីដឹកយកទៅលក់ឲ្យម៉ូយបន្ត ហើយគាត់ក៏មិនបានដកសោរកុងតាក់ចេញទេ ដោយគិតថា ចូលហូបបាយមួយភ្លែតប្រញ៉ាប់ចេញដំណើរទៅទៀត ។
លុះពេលហូបបាយរួចហើយគាត់បានចេញពីក្នុងផ្ទះមកវិញ ស្រាប់តែចោរលួចបេីករថយន្តដែលមានដឹកអេតចាយសំពីងសំពោងនោះចេញទៅបាត់ ។ ឃើញដូច្នោះគាត់ក៏បានឆែកកាមេរ៉ាសុវត្ថិភាព ក៏ឃេីញជនសង្ស័យបេីករថយន្តគាត់ ចេញទៅតាមផ្លូវលេខ ២១ ឆ្ពោះទៅទិញខាងត្បូង (ផ្លូវទៅឡុងប៊ិនព្រំដែនប្រទេសវៀតណាម) ទេីបចាត់ឲ្យកូនចៅ គាត់ជិះម៉ូតូតាមរកចោរ ។ ពេលកូនចៅជិះម៉ូតូតាមដានរហូតដល់ឃុំព្រែកអំបិល ស្រុកស្អាង ខេតកណ្តាល ក៏ឃេីញជនសង្ស័យកំពុងបេីករថយន្តនៅលើដងផ្លូវ ហាក់ដូចជាមិនខ្វល់ខ្វាយដែលម្ចាស់កំពុងតាមចាប់ខ្លួននោះទេ ។
ពេលនោះ កូនចៅគាត់ក៏បានស្ទាក់ចាប់រថយន្តភ្លាម នឹងបានឃាត់ខ្លួនជនសង្ស័យនាំទៅកាន់អធិការដ្ឋាននគរបាលក្រុងតាខ្មៅ ដេីម្បីចាត់ការបន្តតាមនីតិវិធី ។ នៅចំពោះមុខសមត្តកិច្ចត្រូវបានគេដឹងថា ជនសង្ស័យជាចោរ លួចរថយន្តដឹកអេតចាយនោះ ជាមនុស្សមានសតិមិនប្រក្រតី ដែលគេមិនទាំងដឹងខ្លួនផងថា ឡើងបើករថយន្តនេះមានគោលបំណងយកទៅណាផង ឃើញម្ចាស់ទុកចោលចេះតែបើកចេញទៅ ៕
ចែករំលែកព័តមាននេះ