ប្រធានាធិបតីអាមេរិក លោក បារ៉ាក់ អូបាម៉ា អះអាងកាលពីថ្ងៃទី២៦ មេសា ពេលលោកទៅកាន់ម៉ាឡេស៊ីក្នុងក្របខណ្ឌនៃដំណើរទស្សនកិច្ចរបស់លោកនៅអាស៊ី ពីការគាំទ្ររបស់លោកចំពោះអាជ្ញាធរម៉ាឡេស៊ី ដែលរងការរិះគន់ដោយសារការគ្មានប្រសិទ្ធភាព ក្នុងការតាមរកយន្តហោះបាត់ដាន ជើងហោះហើរ MH370 ចាប់តាំងពីថ្ងៃទី៨ មីនា
ប្រធានាធិបតីអាមេរិក លោក បារ៉ាក់ អូបាម៉ា អះអាងកាលពីថ្ងៃទី២៦ មេសា ពេលលោកទៅកាន់ម៉ាឡេស៊ីក្នុងក្របខណ្ឌនៃដំណើរទស្សនកិច្ចរបស់លោកនៅអាស៊ី ពីការគាំទ្ររបស់លោកចំពោះអាជ្ញាធរម៉ាឡេស៊ី ដែលរងការរិះគន់ដោយសារការគ្មានប្រសិទ្ធភាព ក្នុងការតាមរកយន្តហោះបាត់ដាន ជើងហោះហើរ MH370 ចាប់តាំងពីថ្ងៃទី៨ មីនា មក ។
ដោយដកស្រង់សម្តីប្រធានាធិបតីអាមេរិក រដ្ឋមន្ត្រីដឹកជញ្ជូនម៉ាឡេស៊ី លោក ហីុសាម មូដឌីន ហ៊ូសេន ថ្លែងថា លោក អូបាម៉ា មានប្រសាសន៍ថា ផ្លូវពិតជាវែង ហើយមានការលំបាកបំផុត ។ យើងនឹងធ្វើការរួមគ្នា ហើយខ្ញុំគាំទ្រជានិច្ច ។
យន្តហោះម៉ាឡេស៊ីជើងហោះហើរ MH370 បានបាត់ដានចាប់តាំងពីថ្ងៃទី៨ មីនា មក ជាមួយមនុស្សជិះក្នុងនោះ២៣៩នាក់ ដែលមានជនជាតិចិន១៥៣នាក់ ។ យន្តហោះនោះដែលហោះពីទីក្រុងគួឡាឡាំពួរទៅកាន់ក្រុងប៉េកាំង សង្ស័យធ្លាក់នៅភាគខាងត្បូងមហាសមុទ្រឥណ្ឌា ក៏ប៉ុន្តែរហូតមកទល់ពេលនេះ ពុំទាន់រកឃើញដានណាមួយនៅឡើយ ទោះបីមានប្រតិបត្តិការតាមរុករកដ៏ធំបំផុតដែលនៅបន្តទៀតក្តី ។
បន្ទាប់ពីទៅកាន់ប្រទេសជប៉ុន និងកូរ៉េខាងត្បូង លោក អូបាម៉ា ប្រធានាធិបតីអាមេរិកដំបូងគេដែលទៅកាន់ម៉ាឡេស៊ី ចាប់តាំងពី៥០ឆ្នាំមកហើយនោះ បានមកដល់ទីក្រុងកួឡាឡាំពួរ កាលពីថ្ងៃទី២៦ មេសា ហើយបន្ទាប់ពីនោះ លោកបន្តដំណើរទៅកាន់ប្រទេសហ្វ៊ីលីពីនទៀត មុនពេលវិលទៅស្រុកវិញ ។
ទំនាក់ទំនងរវាងអាមេរិក និងម៉ាឡេស៊ី មានភាពតានតឹងពីឆ្នាំ១៩៨១ ដល់២០០៣ ពេលប្រទេសម៉ាឡេស៊ី ដឹកនាំដោយលោក មហាធៀរ មហាម៉េដ ដែលអាមេរិកធ្វើការរិះគន់យ៉ាងខ្លាំង ប៉ុន្តែទំនាក់ទំនងពាណិជ្ជកម្មនៅតែមាន ហើយទំនាក់ទំនងទាំងឡាយ មានការកែលម្អខ្លាំង ក្រោមរដ្ឋាភិបាលបច្ចុប្បន្នរបស់លោកនាយករដ្ឋមន្ត្រី ណាជីប រ៉ាហ្សាក់ ៕
ចែករំលែកព័តមាននេះ