នាយករដ្ឋមន្ត្រីកូរ៉េខាងត្បូង លោក Chung Hong-Won បានសុំលាលែងពីតំណែង កាលពីថ្ងៃទី២៧ មេសា ដោយសារការរិះគន់ជាច្រើនចំពោះការគ្រប់គ្រងរបស់រដ្ឋាភិបាលលោក ក្រោយការលិចនាវាដឹកអ្នកដំណើរឈ្មោះ Sewol កាលពីថ្ងៃទី១៦ មេសា កន្លងមកនេះ បណ្តាលឱ្យមនុស្សស្លា.ប់ និងបាត់ខ្លួនជាង៣០០នាក់មក ។
នាយករដ្ឋមន្ត្រីកូរ៉េខាងត្បូង លោក Chung Hong-Won បានសុំលាលែងពីតំណែង កាលពីថ្ងៃទី២៧ មេសា ដោយសារការរិះគន់ជាច្រើនចំពោះការគ្រប់គ្រងរបស់រដ្ឋាភិបាលលោក ក្រោយការលិចនាវាដឹកអ្នកដំណើរឈ្មោះ Sewol កាលពីថ្ងៃទី១៦ មេសា កន្លងមកនេះ បណ្តាលឱ្យមនុស្សស្លាប់ និងបាត់ខ្លួនជាង៣០០នាក់មក ។
ក្នុងសង្កថាខ្លីមួយលោក Chun Hong-Won ថ្លែងដោយបាំងមុខថា ខ្ញុំចង់លាចេញពីតំណែងភ្លាមៗ ក៏ប៉ុន្តែការគ្រប់គ្រងសភាពការណ៍ជាអាទិភាពដំបូង ហើយខ្ញុំយល់ថានោះជាការទទួលខុសត្រូវរបស់ខ្ញុំ ដែលត្រូវជួយមុនពេលខ្ញុំចាកចេញ ។ ក៏ប៉ុន្តែខ្ញុំបានសម្រេចចិត្តលាលែងនាពេលនេះ ដើម្បីកុំឱ្យខ្លួនខ្ញុំជាអម្រែកមួយចំពោះរដ្ឋាភិបាល ។
ជនរងគ្រោះភាគច្រើនដោយសារការលិចនាវានោះគឺជាសិស្សសាលាដែលធ្វើដំណើរសិក្សា។ ពួកគេបានទទួលបញ្ជាឱ្យនៅស្ងៀមត្រង់កន្លែងអង្គុយ រង់ចាំការណែនាំនានា ដោយពុំត្រូវបានជម្លៀសចេញភ្លាមៗពេលនាវានោះកំពុងតែលិចឡើយ រួចពួកគេត្រូវស្លាប់ ។ នាវា Sewol ដែលធ្វើដំណើររវាងកំពង់ផែ Incheon ជិតក្រុងសេអ៊ូល និងកោះ Jeju ដឹកអ្នកដំណើរ និងសមាជិកក្រុមនាវិក៤៧៦នាក់ ក្នុងនោះ៣៣៥នាក់ គឺសិស្សសាលា និងគ្រូៗរបស់ពួកគេ ។ ចំនួនសាកសពមនុស្សដែលស្រង់ចេញពីទឹករហូតមកទល់ពេលនេះមានសរុប១៨៧នាក់ហើយ ។
កំហឹងរបស់សាច់ញាតិគ្រួសារជនរងគ្រោះ គឺការយឺតយ៉ាវនៃប្រតិបត្តិការជួយសង្គ្រោះ និងការផ្តល់ព័ត៌មានមិនច្បាស់របស់រដ្ឋាភិបាល ។ ការសុើបអង្កេតមួយ ក្រោយគ្រោះថ្នាក់នេះបង្ហាញថា កាពីតែននាវា និងសមាជិកក្រុមនាវិកភាគច្រើន បានចាកចេញពីនាវាមុនពួកអ្នកដំណើរ ។ នាយករដ្ឋមន្ត្រីត្រូវរងការវាយប្រហារបែកក្បាលពេលទៅជួបសាច់ញាតិគ្រួសារជនរងគ្រោះ បន្ទាប់ពីគ្រោះថ្នាក់ ៕
ចែករំលែកព័តមាននេះ