ខេត្តបាត់ដំបង ៖ សាកសពបុរសម្នាក់ដែលមានស្នាមដុតខ្លោច ជាមួយនឹងដៃជាប់ចំណងស្លាបសេកផង ត្រូវបានគេប្រទះឃើញស្លាប់ផ្កាប់មុខនៅក្បែរក្បាលស្ពានដងទង់ ដែលស្ថិតនៅក្នុងភូមិដងទង់ ឃុំផ្លូវមាស ស្រុករតនមណ្ឌល នៅវេលាម៉ោង៨ព្រឹកថ្ងៃទី១៧ តុលា…
ខេត្តបាត់ដំបង ៖ សាកសពបុរសម្នាក់ដែលមានស្នាមដុតខ្លោច ជាមួយនឹងដៃជាប់ចំណងស្លាបសេកផង ត្រូវបានគេប្រទះឃើញស្លាប់ផ្កាប់មុខនៅក្បែរក្បាលស្ពានដងទង់ ដែលស្ថិតនៅក្នុងភូមិដងទង់ ឃុំផ្លូវមាស ស្រុករតនមណ្ឌល នៅវេលាម៉ោង៨ព្រឹកថ្ងៃទី១៧ តុលា នេះ ដែលគេសង្ស័យទៅលើអំពើឃាតកម្ម ។
ប្រភពព័ត៌មានបឋមពីមន្ត្រីមូលដ្ឋានបានរាយការណ៍ថា សាកសពបុរសនោះ ទំនងត្រូវគេសម្លាប់ឬវាយសន្លប់នៅកន្លែងដទៃ រួចដឹកយកមកទម្លាក់ចោលក្បែរគល់ស្ពានដងទង់នោះ។ ប្រភពដដែលបានឲ្យដឹងទៀតថា សាកសពនោះ ត្រូវគេដាក់ជាប់ខ្នោះដៃ ក្រពាត់ស្លាបសេកមកក្រោយ និងដេកស្លាប់ផ្កាប់មុខ ហើយថែមទាំងត្រូវគេដុតឆេះខ្លោចទៀតផង តែអាចនៅពិនិត្យមើលស្គាល់។
មិនតែប៉ុណ្ណោះ គេឃើញមានបន្សល់ទុកប៉ែលចូកដីមួយនៅក្បែរសព ដែលគេសង្ស័យថា វត្ថុតាងនោះទំនងអាចជារបស់ក្រុមជនដៃដល់ តែគេមិនទាន់ដឹងថា ហេតុការណ៍នេះបានកើតឡើងពីពេលណានោះទេ ហើយក៏មិនទាន់ស្គាល់ភិនភាគជនរងគ្រោះថា ជាជនជាតិខ្មែរ ឬក៏ជនជាត់អ្វីផ្សេងដែរ។ បើតាមព័ត៌ការសន្និដ្ឋាននានា ដោយយោងលើទិដ្ឋភាព ជាក់ស្ដែងនៅលើជនរងគ្រោះ និងវត្ថុតាងនានាផង គេកំពុងផ្ដោតទៅលើករណីឃាតកម្ម។
ប៉ុន្តែអ្វីដែលមហាជនកំពុងងឿងឆ្ងល់ គឺទៅខ្នោះដែលត្រូវគេដាក់ជាប់ដៃជនរងគ្រោះ ហើយត្រូវជនដៃដល់ព្យាយាមដុតចោលប៉ុនប៉ងបំបាត់ភស្ដុតាងទៀតផង ដែលមើលទៅទង្វើនេះ ហាក់ឃោរឃៅបំផុត។ មាន ការលើកឡើងថា ចំពោះខ្នោះដៃនេះ គេសង្កេតឃើញមានប្រើប្រាស់ សម្រាប់តែសមត្ថកិច្ច ឬសន្តិសុខឯកជនប៉ុណ្ណោះ តែពេលនេះ ជនរងគ្រោះដែលស្លាប់បែរជាមានជាប់ខ្នោះដៃ។
មន្ត្រីខ្លះបានសន្និដ្ឋានបឋមថា ជនរងគ្រោះអាចត្រូវគេដឹកមកទម្លាក់នៅទីនោះ ហើយជនដៃដល់ក៏អាច
មានបក្សពួកលើកពីម្នាក់ ។ ប៉ុន្តែយ៉ាងពេលនេះ សមត្ថកិច្ចកំពុងត្រូតពិនិត្យសាកសពនិងទីតាំងកើតហេតុ
ហើយ
តាមប្រភពព័ត៌មានចុងក្រោយឱ្យដឹងថា តាមការសន្និដ្ឋានបឋម សមត្ថកិច្ចសង្ស័យថា ជនរងគ្រោះខាងលើ គឺជាជនជាតិចិន ។ បច្ចុប្បន្ន កម្លាំងកំពុងធ្វើការស្រាវជ្រាវស៊ើបបន្ត នៅតាមបណ្តាក្រុមហ៊ុនជនជាតិចិន ដែលស្ថិតនៅក្បែរកន្លែងកើតហេតុ។ ព័ត៌មានបន្ថែមនឹងមានផ្សាយជូនបន្តទៀត ។
ចែករំលែកព័តមាននេះ