រាជធានីភ្នំពេញ ៖ បន្ទាប់ពីធ្វើការសម្រាកអស់រយៈពេល៣សប្តាហ៍ក្នុងឱកាសបុណ្យចូលឆ្នាំប្រពៃណីជាតិខ្មែរកន្លងមក នៅរសៀលថ្ងៃសៅរ៍ ទី២៦ មេសា នេះព្រឹត្តិការណ៍បាល់ទាត់ពានរង្វាន់មិត្តហ្វូន ខេមបូឌានលីកឆ្នាំ២០១៤ នឹងចាប់ផ្តើមបើកការប្រកួតជូនទស្សនិកជនបានទស្សនាជាបន្តទៀតហើយ ។
រាជធានីភ្នំពេញ ៖ បន្ទាប់ពីធ្វើការសម្រាកអស់រយៈពេល៣សប្តាហ៍ក្នុងឱកាសបុណ្យចូលឆ្នាំប្រពៃណីជាតិខ្មែរកន្លងមក នៅរសៀលថ្ងៃសៅរ៍ ទី២៦ មេសា នេះព្រឹត្តិការណ៍បាល់ទាត់ពានរង្វាន់មិត្តហ្វូន ខេមបូឌានលីកឆ្នាំ២០១៤ នឹងចាប់ផ្តើមបើកការប្រកួតជូនទស្សនិកជនបានទស្សនាជាបន្តទៀតហើយ ។
នៅថ្ងៃនេះមាន៤ប្រកួតលេងលើ២ទីលាន ក្នុងនោះទីលានស្តាតចាស់ ការប្រកួតត្រូវចាប់ផ្តើមនៅវេលាម៉ោង១៣និង៣០នាទីតទៅ រវាងក្រុមក្រសួងការពារជាតិ ជួបជាមួយក្រុម Albirex Niigata Phnom Penh និងមួយប្រកួតទៀតក្រុមត្រាយអាស៊ី ជួបប្រកួតជាមួយក្រុមសាកលវិទ្យាល័យអាស៊ីអឺរុ៉ប ។ គិតមកដល់ពេលនេះ ក្រុមក្រសួងការពារជាតិលេងបាន៨ប្រកួត ឈ្នះ១ប្រកួត ស្មើ៤ប្រកួត ចាញ់៣ប្រកួត មាន៧ពិន្ទុ ឯក្រុម Albirex Niigata Phnom Penh លេងបាន៨ប្រកួតដូចគ្នា ឈ្នះ១ប្រកួត ចាញ់៧ប្រកួត មាន៣ពិន្ទុ ស្ថិតនៅបាតតារាង ។
ចំណែកក្រុមត្រាយអាស៊ីលេងបាន៨ប្រកួត ឈ្នះ៣ប្រកួត ស្មើ២ប្រកួត ចាញ់៣ប្រកួត មាន១១ពិន្ទុ ឯក្រុមសាកលវិទ្យាល័យអាស៊ីអឺរុ៉ប៨ប្រកួត ឈ្នះ២ប្រកួត ស្មើ៣ប្រកួត និងចាញ់៣ប្រកួត មាន៩ពិន្ទុ ។ ដោយឡែក នៅទីលានពហុកីឡដ្ឋានជាតិឯណេះវិញ ការប្រកួតគឺចាប់ផ្តើមនៅវេលាម៉ោង១៥និង៣០នាទីតទៅ ដោយក្រុមខេត្តស្វាយរៀង ប្រកួតជាមួយក្រុមបៀលប្រាយយូណាធីត និងមួយប្រកួតទៀតក្រុមណាហ្គាខប ជួបប្រកួតជាមួយក្រុមភ្នំពេញក្រោន ។ ក្រុមខេត្តស្វាយរៀងនៅពេលនេះលេងបាន៨ប្រកួត ឈ្នះ៣ប្រកួត ស្មើ៣ប្រកួត ចាញ់២ប្រកួត មាន១២ ពិន្ទុ ឯក្រុមបៀលប្រាយយូណាធីតវិញលេងបាន៨ប្រកួត ឈ្នះ៣ប្រកួត ស្មើ២ប្រកួត និងចាញ់៣ប្រកួត មាន១១ពិន្ទុ ។
ចំពោះក្រុមជើងខ្លាំងភ្នំពេញក្រោន និងក្រុមណាហ្គាខប បានរក្សាពិន្ទុលំដាប់កំពូលតារាងស្មើគ្នាដដែល ក្រោយពីក្រុមទាំងពីររកបាន៣ពិន្ទុបន្ថែមដូចគ្នា កាលពីថ្ងៃទី៥ មេសាកន្លងទៅនេះ។ ក្រុមភ្នំពេញក្រោន និងក្រុមណាហ្គាខប មកដល់ពេលនេះនៅមិនទាន់មានសំណាងអាចដណ្តើមបានកៅអីកំពូលតារាងយកមកអង្គុយម្នាក់ឯងបាននៅឡើយទេ ក្រោយពីក្រុមជើងខ្លាំងទាំងពីរនេះទទួលបានជ័យជម្នះលើគូប្រកួតរៀងៗខ្លួន ដែលធ្វើឱ្យក្រុមភ្នំពេញក្រោន និងក្រុមណាហ្គាខប មាន១៩ពិន្ទុក្នុងដៃស្មើគ្នា ដោយលេងបាន៨ប្រកួត ឈ្នះ៦ប្រកួត ចាញ់១ប្រកួត និងស្មើ១ប្រកួតដូចគ្នានោះ ៕
ចែករំលែកព័តមាននេះ