ខេត្តបាត់ដំបង ៖ កូនប្រុសលោក លី ប៊ួយ អធិការនគរបាលស្រុកសំឡូតឈ្មោះសំ សោម ហៅចិន ជានាយប៉ុស្ដ៍រដ្ឋបាលរួមជាមួយកូនចៅរបស់ខ្លួនប៉ុន្មាននាក់ផង រងការចោទប្រកាន់ថា បានចាប់ឈ្មួញដើរទិញផ្លែសំរងភ្នំចំនួន០២នាក់ដាក់ខ្នោះដៃ រួចព្រួតគ្នាវាយដំគ្មានត្រាប្រណីដើម្បីបង្ខំឲ្យឈ្មួញទាំង២នាក់នោះបង់ប្រាក់ឲ្យខ្លួនចំនួន៣លានរៀលជាថ្នូរនឹងការជូនផ្លូវនិងឲ្យកម្លាំងប៉ុស្ដ៏រដ្ឋបាលរបស់ខ្លួន។
សកម្មភាពដ៏ឃោរឃៅនេះត្រូវប្រភពព័ត៌មានរាយការណ៏ថា បានកើតឡើងនៅវេលាម៉ោងជាង៣ទៀបភ្លឺថ្ងៃទី២៣ មេសា នៅក្នុងប៉ុស្ដ៏រដ្ឋបាលឃុំសំឡូតតែម្ដង។
តាមប្រភពប្រាប់ថា ជនរងគ្រោះក្នុងអំពើហិង្សានេះ ម្នាក់ឈ្មោះហ៊ឹម គួន ប្រុសអាយុ៣១ឆ្នាំ និងម្នាក់ទៀតឈ្មោះឡេវ លេង ភេទប្រុស អាយុ២៨ឆ្នាំ ជាបងប្អូនរស់នៅក្នុងស្រុកជុំគិរី ខេត្តកំពត បើករថយន្តប្រភេទទួរីស១២កៅអីពាក់ស្លាកលេខភ្នំពេញ2D-6637 ជាឈ្មួញដែលតែងចុះទៅរកទិញផ្លែសំរងភ្នំនៅស្រុកសំឡូតនេះ។ រីឯជនបង្កអំពើហិង្សាដ៏ឃោរឃៅនេះឈ្មោះសំ សោម ហៅចិន ជានាយប៉ុស្ដ៏រដ្ឋបាលឃុំសំឡូត និងជាកូនប្រុសបង្កើតរបស់លោកលី ប៊ួយ អធិការនគរបាលស្រុកសំឡូត ដែលសំបូរទៅដោយរឿងអាស្រូវ ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ