ខេត្តស្វាយរៀង៖មានករណីអគ្គីភ័យឆាបឆេះឃ្លាំងដាក់គ្រឿងសំណង់មួយកន្លែងយ៉ាងសន្ធោសន្ធៅក្លាយទៅជាផេះ សង្ស័យបុរសបែកថ្នាំម្នាក់ដុត ទើបបង្កឲ្យឆាបឆេះ ដោយសារក្នុងឃ្លាំងមានគ្រឿងជ័រ ទុយោជ័រច្រើនឆេះមានល្បឿនលឿនមិនអាចពន្លត់បាន។
ករណីនេះបានកើតឡើងនៅវេលាម៉ោង៥និង៥នាទីល្ងាចថ្ងៃទី១៥ ធ្នូ ឆ្នាំ២០២៥ នៅចំណុចឃ្លាំងដាក់គ្រឿងសំណង់មួយកន្លែងខាងក្រោយអាគារកាស៊ីណូម៉ុកបាយ ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត។
បើតាមសមត្ថកិច្ចបានឲ្យដឹងថា តាមប្រជាពលរដ្ឋបានឃើញហេតុការ បានរាយការណ៍ថា មុនពេលកើតហេតុមគេឃើញជនបែកថ្នាំម្នាក់បានចូលទៅជិតឃ្លាំងដាក់គ្រឿងបរិក្ខាសំណង់ ផ្គត់ផ្គង់របស់បំពាក់អាគារកាស៊ីណូនិងគ្រឿងជ័រមានទុយោជាដើម។ ក្រោយមកស្រាប់តែមានអណ្តាតភ្លើងឆាបឆេះយ៉ាងសន្ធោសន្ធៅតែម្តង។
បន្ទាប់ពីកើតមានហេតុការណ៍បែបនេះ ប្រជាពលរដ្ឋរាយការណ៍ភ្លាមសមត្ថកិច្ចក៏បានបញ្ជាកម្លាំងរថយន្តពន្លត់អាគ្គីភ័យសាលាក្រុងបាវិតជាច្រើនគ្រឿងមកភ្លាមដែរ មានរថយន្តពន្លត់អគ្គីភ័យកងរាជអាវុធហត្ថក្រុងនិងអធិការក្រុងបាវិតមកអន្តរាគមន៍ពន្លត់ក៏ប៉ុន្តែដោយក្នុងឃ្លាំងមានគ្រឿបរិក្ខានិងជ័រច្រើនទើបឆេះលឿនមិនអាចគ្រប់គ្រងបាន គឺបានឆេះខូចខាតទាំងស្រុង ប៉ុន្តែមិនបណ្តាលឲ្យគ្រោះថ្នាក់ដល់មនុស្សទេ។
ចំណែកទំហំខូចខាតមិនទាន់ជ្របនៅឡើយទេ ខណៈសមត្ថកិច្ចកំពុងធ្វើការសាកសួរម្ចាស់ឃ្លាំងនិងស្រាវជ្រាវរកជនបង្កមកផ្តន្ទាទោសតាមច្បាប់ ៕
ចែករំលែកព័តមាននេះ