រាជធានីភ្នំពេញ ៖ ស្ត្រីម្នាក់ដែលគេស្គាល់ថាជាថៅកែហាងកាត់សក់ អ៊ុតសក់ នឹងម៉ាស្សា យីហោលី ណា ដែលត្រូវសមត្តកិច្ចកងរាជអាវុធឃាត់ខ្លួនពាក់ពន្ធ យកមាសកាឡៃជិតកន្លះតោនទៅលក់ ត្រូវបានដោះលែងឲ្យមានសេរីភាពវិញ ព្រោះតែថៅកែហាងរូបនោះបានចាញ់បោកជនជាតិ ។
រាជធានីភ្នំពេញ ៖ ស្ត្រីម្នាក់ដែលគេស្គាល់ថាជាថៅកែហាងកាត់សក់ អ៊ុតសក់ នឹងម៉ាស្សា យីហោលី ណា ដែលត្រូវសមត្តកិច្ចកងរាជអាវុធឃាត់ខ្លួនពាក់ព័ន្ធ យកមាសកាឡៃជិតកន្លះតោនទៅលក់ ត្រូវបានដោះលែងឲ្យមានសេរីភាពវិញ ព្រោះតែថៅកែហាងរូបនោះបានចាញ់បោកជនជាតិចិន ។
ស្រ្តីថៅកែហាងឈ្មោះចាន់ លីណា អាយុ ៥៩ ឆ្នាំ បើកហាងកាត់ សក់ អ៊ុតសក់ និងម៉ាស្សានៅផ្ទះលេខ៨៤អឺ០ ផ្លូវ៦៣ សង្កាត់ផ្សារថ្មី៣ ខណ្ឌដូនពេញ ។ គួរបញ្ជាក់ថា កាលពីថ្ងៃទី១៨មេសា ២០១៤ ថៅកែ រូបនេះត្រូវសមត្តកិច្ចកងរាជអាវុធហត្ថខណ្ឌដូនពេញឃាត់ខ្លួន ខណៈ រូបគេបានយកមាសកាឡៃចំនួន១២០ដុំ (១ដុំមានទម្ងន់២តំឡឹង) ទៅលក់លើទីផ្សារ ។ ការដោះលែងថៅកែហាងខាងលើឲ្យមានសេរីភាពនោះ ត្រូវបានសមត្តកិច្ចកងរាជអាវុធហត្តឲ្យដឹងថា ក្រោយពីការស្រាវជ្រាវរបស់សមត្ថកិច្ចបានរកឃើញថា ស្ត្រីឈ្មោះចាន់ លីណា ពិតជាបានចាញ់បោកជនជាតិចិនម្នាក់យកមាសកាឡៃ១២០ដុំឲ្យជួយលក់ ។
មន្រ្តីកងរាជអាវុធហត្តបានបញ្ជាក់ ទៀតថា រឿងនេះដំបូងឡើយមានជនចាតិចិន២នាក់ប្រុសម្នាក់ស្ត្រីម្នាក់ បានចេញចូលទៅធ្វើសក់ នឹងម៉ាស្សានៅហាងរបស់អ្នកស្រីចាន់ លីណា ។ ថ្ងៃមួយជនជាតិចិនរូបនោះបានយកមាសកាឡៃចំនួន៥ដុំដែល១ដុំមានទម្ងន់២តំឡឹង ពឹងអ្នកស្រីឲ្យជួយលក់ហើយបានប្រាក់យក ទៅបាត់ ។ លុះនៅថ្ងៃទី១៨ មេសា ជនជតិចិនបានយកមាស១២០ដុំ ឲ្យអ្នកស្រីជួយលក់ទៀត ហើយត្រូវគេបានប្រាប់អ្នកស្រីថា លក់បាន ប៉ុន្មានក៏យកដែរ ព្រោះនេះជាកំណប់ដែលគេទើបនឹងគាស់បាន។ពេលនោះអ្នកស្រីចាន់ លីណា បានយកដុំមាស១២០ដុំទៅឲ្យអ្នកស្រី ឆាយ លាងហេង ដែលជាអាជីវកលក់អង្ករ បានប្រាក់ប្រមាណ៣ម៉ឺនដុល្លារ ឲ្យជនជាតិចិននោះយកទៅបាត់ទៅ ។ ក្រោយពីចិនយកលុយទៅបាត់អ្នកស្រីឆាយ លាងហេង បានយកមាសទៅដុតមើលដើម្បីចង់ ដឹងសុទ្ធឬមិនសុទ្ធ នឹងបានធ្វើឡើងនៅចំពោះមុខអ្នកស្រីចាន់ លីណា ថៅកែហាងអ៊ុតសក់ កាត់សក់ នឹងម៉ាស្សា លីណា ។ ពេលអ្នកទិញនឹងអ្នកលក់បានយកមាសទៅដុត ស្រាប់តែមាសក្លាយជាស្ពន់ទាំងអស់ ភ្លាមនោះអ្នកទិញបានក្របួចកអ្នកលក់ទុកម្តុំ និងបាននាំខ្លួនឲ្យសមត្តកិច្ចចាត់ការតាមផ្លូវច្បាប់ ។
ដូច្នោះសមត្តកិច្ចបានសាកសួរទៅពិនិត្យឃើញថា អ្នកទិញនិងអ្នកលក់សុទ្ធតែជាជនរងគ្រោះដូចគ្នា ទើបបានសមត្ថកិច្ចដោះលែងអ្នកស្រីចាន់ លីណា ឲ្យមានសេរីភាពវិញ និងបា នឲ្យសហការគ្នាជួយស្វែងរកចាប់ជនជាតិចិន ដែលយកមាសកាឡៃ មកលក់បោកប្រាស់យកលុយទៅបាត់ មកផ្តន្ទាទោសតាមផ្លូវច្បាប់ ។
ចែករំលែកព័តមាននេះ