ខេត្តបន្ទាយមានជ័យ ៖ កម្មករសំណង់មួយក្រុម ដែលម៉ៅការសាងសង់ឲ្យក្រុមហ៊ុនកាស៊ីណូមួយនៅក្រុងប៉ោយប៉ែត ត្រូវបានគេមើលឃើញថាបានធ្វើការសាងសង់សំណង់ជីករណ្ដៅដាក់គ្រឹះសសរមួយបំផ្លាញកាំជណ្ដើ របស់អគារស្នាក់ការត្រួតពិនិត្យព្រំដែនច្រកទ្វារអន្តរជាតិប៉ោយប៉ែតដែលជាជំនួយរបស់ធនាគារអភិវឌ្ឃន៍អាស៊ីហៅកាត់ថាADBជួយដល់រដ្ឋាភិបាល។ កន្លែង
ខេត្តបន្ទាយមានជ័យ ៖ កម្មករសំណង់មួយក្រុម ដែលម៉ៅការសាងសង់ឲ្យក្រុមហ៊ុនកាស៊ីណូមួយនៅក្រុងប៉ោយប៉ែត ត្រូវបានគេមើលឃើញថាបានធ្វើការសាងសង់សំណង់ជីករណ្ដៅដាក់គ្រឹះសសរមួយបំផ្លាញកាំជណ្ដើរ របស់អគារស្នាក់ការត្រួតពិនិត្យព្រំដែនច្រកទ្វារអន្តរជាតិប៉ោយប៉ែតដែលជាជំនួយរបស់ធនាគារអភិវឌ្ឃន៍អាស៊ីហៅកាត់ថាADBជួយដល់រដ្ឋាភិបាល។ កន្លែងកើតហេតុស្ថិតនៅចំណុចកាំជណ្ដើរផ្នែកខាងត្បូងពីខាងក្រោយអគារដែលនៅទីនោះគេឃើញរណ្ដៅមួយត្រូវបានគេធ្វើឡើងនិងបានដាក់ដែកគ្រោងប្រុងចាក់ជាសសររួចជាស្រេចប៉ុន្តែត្រូវបានទប់ស្កាត់វិញដោយប្រធានស្នាក់ការត្រួតពិនិត្យព្រំដែនច្រកទ្វារអន្តរជាតិប៉ោយប៉ែតឲ្យផ្អាកសកម្មភាពសិនព្រោះថាបានធ្វើចូលដល់ដីអគាររបស់រដ្ឋមួយនេះ។
លោកអានវណ្ណ:ប្រធានស្នាក់ការត្រួតពិនិត្យច្រកទ្វារព្រំដែនអន្តរជាតិប៉ោយប៉ែតបានប្រាប់តាមទូរស័ព្ទនៅរសៀលថ្ងៃទី២២ខែមេសាឆ្នាំ២០១៤នេះថា រណ្ដៅដែលគេធ្វើប៉ះពាល់ដល់កាំជណ្ដើរអគារនេះគឺធ្វើឡើងដោយជាងសំណង់មួយក្រុមកាលពីព្រឹកថ្ងៃទី២១ម្សិលមិញហើយគេអះអាងថាគេមានឯកសារអនុញ្ញាតិពីថ្នាក់លើរួចហើយ។
លោកប្រធានគណ:កម្មការច្រកទ្វាររូបនេះបន្តថាការធ្វើបែបនេះខាងក្រុមហ៊ុនកាស៊ីណូមិនបានជូនដំណឹងដល់លោកជាមុននោះទេប៉ុន្តែលោកថាមុនហេតុការណ៍កើតឡើងប៉ុន្មានម៉ោងក្រុមជាងបានមកនិយាយប្រាប់ថាគេនិងធ្វើការនៅកន្លែងកើតហេតុបន្ទាប់មកក៍បាននាំគ្នាធ្វើតែម្ដងទើបលោកសុំឲ្យផ្អាកសកម្មភាពសិន។ លោកអានវណ្ណ:បន្តថាការធ្វើសំណង់ជីករណ្ដៅប៉ះពាល់ដល់អគារស្នាក់ការនេះចូលដល់ដីរដ្ឋ៤ម៉ែត្រឯណោះ។
ជុំវិញបញ្ហាខាងលើកោះសន្តិភាពមិនអាចសុំការបំភ្លឺពីក្រុមជាងសំណង់ណាម្នាក់នោះទេព្រោះមិនឃើញមាននៅកន្លែងធ្វើការ។ ចំណែកឯខាងតំណាងក្រុមហ៊ុនកាស៊ីណូហូលីដេផាលឡែសក៍មិនអាចទំនាក់ទំនងសុំការបំភ្លឺបាននោះដែរព្រោះតែមិនស្គាល់លេខទូរស័ព្ទ។គួរបញ្ជាក់ថាអគារស្នាក់ការត្រួតពិនិត្យច្រកទ្វារព្រំដែនអន្តរជាតិប៉ោយប៉ែតមួយនេះកន្លងមកមានកន្លែងសំរាប់ឲ្យមន្ត្រីនិងសមត្ថកិច្ចចតយានយន្តមានជំនួបប្រជុំម្ដងៗប៉ុន្តែមួយរយះចុងក្រោយនេះគេសង្គេតឃើញថាមន្ត្រីរាជការនិងសមត្ថកិច្ចគ្មានកន្លែងចតយានយន្តទេពេលមានកិច្ចប្រជុំនោះ ។
ចែករំលែកព័តមាននេះ