ខេត្តកំពង់ធំ ៖ ឯកឧត្តម អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌ បានអញ្ជើញជាអធិបតីក្នុងពិធីប្រកាសតែងតាំងចូលកាន់មុខតំណែងព្រះរាជអាជ្ញាអមសាលាដំបូងខេត្តកំពង់ធំ នារសៀលថ្ងៃទី២២ ខែមេសាឆ្នាំ២០១៤ នៅក្នុងសាលប្រជុំខេត្ត ។
លោក ប៉ែន សារ៉ាត ព្រះរាជអាជ្ញាអមសាលាតំបូងខេត្តកំពង់ធំចាស់ដែលត្រូវផ្លាស់ទៅកាន់តំណែងជា ព្រះរាជអាជ្ញាអមសាលាដំបូងខេត្តស្ទឹងត្រែង បានអានរបាយកាណ៏រយៈពេល៥ឆ្នាំកន្លងមក ដែលរូបលោកបានបំពេញការងារនិងភារកិច្ចជាព្រះរាជអាជ្ញាអមសាលាដំបូងខេត្តកំពង់ធំចាប់ពីឆ្នាំ២០០៩ដល់ឆ្នាំ២០១៤ ដែលសម្រេចជូនរួចមក។ឯកឧត្តម ច័ន្ទ មនោ អគ្គនាយករដ្ឋបាលក្រសួងយុត្តិធម៌ បានព្រះរាជក្រឹត្យតែងតាំងនិងចូលកាន់មុខតំណែងរបស់លោក អ៊ិត សុធា ជាព្រះរាជអាជ្ញានៃអយ្យការអមសាលាខេត្តកំពង់ធំ ជាបន្តរ។
លោក អ៊ិត សុធា ព្រះរាជអាជ្ញានៃអយ្យការអមសាលាខេត្តកំពង់ធំដែលទើបតែនិងប្រកាសតែងតាំងចូលកាន់មុខតំណែងថ្មីបានឡើងធ្វើការប្តេជ្ញាចិត្តថា១.ប្តេជ្ញាគោរពយ៉ាងម៉ឺងមាត់រដ្ឋធម្មនុញ្ញនៃព្រះរាជាណាចក្រកម្ពុជា ច្បាប់ បទបញ្ជា លិខិតបទដ្ឋានដែលដាក់ចេញដោយរាជរដ្ឋាភិបាល ក្រោមការដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ២.គោរពប្រតិបត្តិតាមក្រមសីលធម៌របស់ចៅក្រម ធានាពង្រឹងវិស័យយុត្តិធម៌ ៣.ស្មោះត្រង់និងវិជ្ជាជីវៈ ៤.ថែរក្សានូវសមិទ្ធិផល ដែលអយ្យការអមសាលាខេត្តកំពង់ធំសម្រេចបានកន្លងមកនិងខំអនុវត្តន៏ឲ្យកាន់តែប្រសើរឡើង និងទី៥.ពង្រឹងសាមគ្គីភាពផ្ទៃក្នុងឲ្យកាន់តែល្អប្រសើរជាមួយអាជ្ញាធរគ្រប់លំដាប់ថ្នាក់ ក្នុងគោលដៅពង្រឹងសន្តិសុខសង្គមនិងសុវត្ថិភាព សាធារណៈ ជូនប្រជា ពលរដ្ឋ ជាពិសេសអាជ្ញាធរខេត្ត និងកងកម្លាំងដាប់អាវុធទាំង៣។
លោក អ៊ុត សំអន អភិបាលខេត្តកំពង់ធំ មានប្រសាសន៏ស្វាគមន៏សំដែងនូវទឹកចិត្តរីករាយក្រៃលែងចំពោះគណៈអធិបតីដែលបានឆ្លៀតពេលវេលាដ៏មានតំលៃអញ្ជើញចូលរួមក្នុងពិធីប្រកាសតែងតាំងនិងចូលកាន់មុខតំណែងព្រះរាជអាជ្ញាអមសាលាដំបូងខេត្តកំពង់ធំនារសៀលថ្ងៃនេះជាបន្តរ ។
ឯកឧត្តម អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌ បានអញ្ជើញមានប្រសាសន៏សំណេះសំណាលនិងផ្តាំផ្ញើរដល់លោកព្រះរាជអាជ្ញាលោកព្រះរាជអាជ្ញារងដែលត្រូវចូលមកកាន់តំណែងនៅក្នុងខេត្តកំពង់ធំហើយនិងអ្នកដែលត្រូវផ្លាស់ចេញពីខេត្តកំពង់ធំទៅកាន់មុខតំណែងនៅខេត្តផ្សេងទៀតនោះ ធ្វើយ៉ាងណាត្រូវខិតខំបំពេញភារកិច្ចរបស់ខ្លួនឲ្យបានល្អ ដោះស្រាយនូវរាល់បញ្ហាទាំងឡាយឲ្យបានសុក្រឹត្តិ ដើម្បីស្វែងរកយុត្តិធម៌ជូនប្រជាពលរដ្ឋ ជាចុងក្រោយមានពិធីប្រគល់ត្រាជូនលោកព្រះរាជអាជ្ញាដែលទើបចូលកាន់មុខតំណែងថ្មី ។
ចែករំលែកព័តមាននេះ