បណ្ដាញព័ត៌មានបរទេសផ្សាយថា យោងតាមលិខិតដែលអាចយកជាការបានរបស់ការិយាល័យប្រៃសណីយ៍បានបង្ហាញថា ក្រសួងសេដ្ឋកិច្ច និងហិរញ្ញវត្ថុនឹងលុបចោលនូវការបង់ពន្ធគយលើអង្ករចំពោះអ្នកនាំចេញអង្ករទៅក្រៅប្រទេសចាប់ពីដើមខែឧសភាខាងមុខនេះតទៅ នៅក្នុងការកិច្ចខិតខំប្រឹងប្រែងដើម្បីកាត់បន្ថយការចំណាយលើផលិតកម្ម និងដើម្បីជំរុញការប្រកួតប្រជែងនៅក្នុងវិស័យ
បណ្ដាញព័ត៌មានបរទេសផ្សាយថា យោងតាមលិខិតដែលអាចយកជាការបានរបស់ការិយាល័យប្រៃសណីយ៍បានបង្ហាញថា ក្រសួងសេដ្ឋកិច្ច និងហិរញ្ញវត្ថុនឹងលុបចោលនូវការបង់ពន្ធគយលើអង្ករចំពោះអ្នកនាំចេញអង្ករទៅក្រៅប្រទេសចាប់ពីដើមខែឧសភាខាងមុខនេះតទៅ នៅក្នុងការកិច្ចខិតខំប្រឹងប្រែងដើម្បីកាត់បន្ថយការចំណាយលើផលិតកម្ម និងដើម្បីជំរុញការប្រកួតប្រជែងនៅក្នុងវិស័យអង្ករនៅកម្ពុជាផងដែរ ។
ជាងនេះទៅទៀតក្រសួងបានព្រមព្រៀងកាត់ចោលរាល់ខ្ទង់ចំណាយនានាដែលពាក់ព័ន្ធនឹងការបង់ពន្ធសម្រាប់អ្នកនាំចេញដើម្បីជួយជ្រោមជ្រែងឧស្សាហកម្មនាំចេញអង្ករនៅក្នុងប្រទេស ។ លោក គឹម សាវុធ ប្រធានសហព័ន្ធអ្នកនាំអង្ករចេញទៅក្រៅប្រទេសបានថ្លែងថា ការផ្លាស់ប្ដូរនៃតារាងពន្ធគយរបស់រាជរដ្ឋាភិបាលនឹងជួយដល់ការកាត់បន្ថយលើការចំណាយផ្នែកផលិតកម្មនិងការនាំចេញយ៉ាងហោចណាស់ក៏១៥ដុល្លារអាមេរិកក្នុងមួយទូកុងតឺន័រដែរ ។
ទោះបីជាយ៉ាងណាក៏ដោយកាលពីឆ្នាំ២០១៣ អង្កររបស់កម្ពុជានាំចេញបាន៣៧៩.០០០តោន ដែលដាក់តាមទូកុងតឺន័រប្រមាណ១៥.៧៥០ ។ យ៉ាងណាមិញការសម្រេចរបស់ក្រសួងអាចសន្សំសំចៃនៅក្នុងឧស្សាហកម្មនេះបាន២៣៦.០០០ដុល្លារក្នុងមួយឆ្នាំយ៉ាងពិតប្រាកដ ៕
ចែករំលែកព័តមាននេះ