រាជធានីភ្នំពេញ ៖ មន្រ្តីជាន់ខ្ពស់គណបក្សសង្គ្រោះជាតិ លោកស្រី មូរ សុខហួរ បានប្រកាសប្តឹងអភិបាលរងខណ្ឌដូនពេញ លោក សុខ ពេញវុធ និងស្នើព្យួរការងារលោកអភិបាលរងខណ្ឌនោះថែមទៀត ។
ការប្រកាសរបស់លោកស្រីដែលជាបេក្ខភាពជាប់ឆ្នោតតំណាងរាស្រ្តនីតិកាលទី៥នៃរដ្ឋសភា បានធ្វើឡើងក្នុងសន្និសីទកាសែតនាព្រឹកថ្ងៃទី២២ មេសា ២០១៤ នៅទីស្នាក់ការកណ្តាលគណបក្សសង្គ្រោះជាតិ ស្ថិតក្នុងសង្កាត់ចាក់អង្រែលើ ខណ្ឌមានជ័យ ។
រាជធានីភ្នំពេញ ៖ មន្រ្តីជាន់ខ្ពស់គណបក្សសង្គ្រោះជាតិ លោកស្រី មូរ សុខហួរ បានប្រកាសប្តឹងអភិបាលរងខណ្ឌដូនពេញ លោក សុខ ពេញវុធ និងស្នើព្យួរការងារលោកអភិបាលរងខណ្ឌនោះថែមទៀត ។
ការប្រកាសរបស់លោកស្រីដែលជាបេក្ខភាពជាប់ឆ្នោតតំណាងរាស្រ្តនីតិកាលទី៥នៃរដ្ឋសភា បានធ្វើឡើងក្នុងសន្និសីទកាសែតនាព្រឹកថ្ងៃទី២២ មេសា ២០១៤ នៅទីស្នាក់ការកណ្តាលគណបក្សសង្គ្រោះជាតិ ស្ថិតក្នុងសង្កាត់ចាក់អង្រែលើ ខណ្ឌមានជ័យ ។
ដោយឡែកលោក សុខ ពេញវុធ អភិបាលរងខណ្ឌដូនពេញបានឲ្យដឹងថា ព្រឹត្តិការណ៏នៅក្បែរទីលានប្រជាធិបតេយ្យកាលពីព្រឹកថ្ងៃម្សិលមិញ គ្មានអ្នកណាម្នាក់បញ្ជាឲ្យមានការប្រើអំពើហិង្សានោះទេ តែកម្លំាងសន្តិសុខខណ្ឌ ត្រូវតែការពារសុវត្ថិភាពជាមុន ព្រោះលោកស្រីមូរ សុខហួរ និងបក្ខពួកនៅតែជម្នះចូលទៅទីលានប្រជាធិបតេយ្យដែលត្រូវបានអាជ្ញាធរហាមឃាត់រង់ចំាបញ្ចប់ការស៊ើបអង្កេតពាក់ព័ន្ឋនឹងអំពើហិង្សានៅផ្លូវវេងស្រេងកាលពីដើមខែមករានោះ ។ បើតាមលោក សុខ ពេញវុធ ការប្តឹងរបស់លោកស្រី មូរ សុខហួរ គឺជាសិទ្ឋិរបស់គាត់ ។
គួរបញ្ជាក់ថា ការប្រកាសរបស់លោកស្រី មូរ សុខហួរ នាពេលនេះដែរបានធ្វើឡើងបន្ទាប់ពីព្រឹកថ្ងៃទី២១មេសាម្សិលមិញ លោកស្រីនិងក្រុមយុវជន ព្រមទំាងអ្នកថតរូបគណបក្សសង្គ្រោះជាតិប្រមាណ១០នាក់ បានព្យាយាមចូលទៅកាន់ទីលានប្រជាធិបតេយ្យដើម្បីសំដែងមតិ ប៉ុន្តែត្រូវបរាជ័យ ដោយសារកងកម្លំាងសណ្តាប់ធ្នាប់ខណ្ឌដូនពេញសហការជាមួយនគរបាលប្រឆាំងបាតុកម្មជាច្រើននាក់ បានរុញច្រាន និង ចាប់សែងលោកស្រី មូរ សុខហួរ ចេញពីទីលានប្រជាធិបតេយ្យ និង មានការប៉ះទង្គិចគ្នាមួយបា្រវ បណ្តាលឲ្យយុវជន០៥នាក់រងរបួស ។
បើតាមលោកស្រី មូរ សុខហួរ នៅថ្ងៃទី៣០មេសា និងថ្ងៃ០១ និង ទី០២ ឧសភា ២០១៤ លោកស្រី នឹងធ្វើដំណើរចូលទៅកាន់ទីលានប្រជាធិបតេយ្យជាថ្មីទៀត ៕
ចែករំលែកព័តមាននេះ