រដ្ឋមន្ត្រីការបរទេសកម្ពុជា ថៃ និងចិន បានជួបគ្នា
រដ្ឋមន្ត្រីការបរទេសកម្ពុជា ថៃ និងចិន បានជួបគ្នានៅខេត្តយូណាន ប្រទេសចិន ខណ:ដែលកម្ពុជា និងថៃ នៅតែបន្តមានភាពតានតឹងរឿងព្រំដែន ។ ក្រសួងការទេសកម្ពុជា…
រដ្ឋមន្ត្រីការបរទេសកម្ពុជា ថៃ និងចិន បានជួបគ្នានៅខេត្តយូណាន ប្រទេសចិន ខណ:ដែលកម្ពុជា និងថៃ នៅតែបន្តមានភាពតានតឹងរឿងព្រំដែន ។
ក្រសួងការទេសកម្ពុជា បានអោយដឹង នៅថ្ងៃនេះថា នៅថ្ងៃទី១៤ ខែសីហា ឆ្នាំ២០២៥ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ បានអញ្ជើញជួបពិភាក្សាក្រៅផ្លូវការជាមួយ ឯកឧត្តម វ៉ាង យី រដ្ឋមន្ត្រីការបរទេសនៃសាធារណរដ្ឋប្រជាមានិតចិន និងឯកឧត្តម ម៉ារីត សាងៀមផុង្ស រដ្ឋមន្ត្រីការបរទេសនៃព្រះរាជាណាចក្រថៃ ក្នុងឱកាសកិច្ចប្រជុំរដ្ឋមន្ត្រីការបរទេសនៃកិច្ចសហប្រតិបត្តិការមេគង្គ-ឡានឆាង លើកទី១០ នៅទីក្រុងអាននីង ខេត្តយូណាន ប្រទេសចិន ។
ក្រសួងការបរទេស មិនបាននិយាយអោយលម្អិតអំពីកិច្ចប្រជុំរដ្ឋមន្ត្រីការបរទេសទាំងបីនោះឡើយ ។
ប៉ុន្តែចិន គឺជាតួអង្គដ៏សំខាន់មួយដូចអាមេរិកដែរ ក្នុងការធ្វើអោយសម្រេចកិច្ចព្រមព្រៀងបទឈប់បាញ់ និងទប់ស្កាត់ការប្រឈមមុខដាក់គ្នាដោយអាវុធរវាងកម្ពុជា និងថៃ ៕
ចែករំលែកព័តមាននេះ