ថៃ ៖ ខេត្តណាន កំពុងតាមដានយ៉ាងដិតដល់នូវស្ថានភាពទឹកជំនន់នៅក្នុងស្រុកមឿងណាន ស្រុកភូភៀង និងស្រុកវៀងសា ខណៈដែលកម្រិតទឹកទន្លេណាននៅតែស្ថិតក្នុងកម្រិតខ្ពស់ និងទឹកពីតំបន់ដើមទន្លេបន្តហូរចុះមកភាគខាងត្បូងនេះបើតាមការចុះផ្សាយរបស់ Khaosod English ។
អភិបាលខេត្ត លោក ឆៃណារ៉ុង វង់យ៉ៃ បាននិយាយនៅថ្ងៃព្រហស្បតិ៍ថា ស្ថានភាពអាចនឹងមានភាពល្អប្រសើរឡើងបន្តិចម្ដងៗ ប្រសិនបើគ្មានភ្លៀងធ្លាក់ខ្លាំងបន្ថែមទៀត ។
ប្រជាពលរដ្ឋរស់នៅតំបន់ងាយរងគ្រោះដោយទឹកជំនន់ ត្រូវបានទទូចឱ្យតាមដានការជូនដំណឹងផ្លូវការយ៉ាងដិតដល់ និងត្រៀមខ្លួនរួចជាស្រេចដើម្បីជម្លៀសទ្រព្យសម្បត្តិ យានយន្ត និងជនងាយរងគ្រោះទៅកាន់ទីកន្លែងមានសុវត្ថិភាពភ្លាមៗ ប្រសិនបើមានបញ្ជាឱ្យជម្លៀសចេញ ៕
ចែករំលែកព័តមាននេះ