រាជធានីភ្នំពេញ ៖ ជនសង្ស័យម្នាក់ ត្រូវបានកម្លាំងនៃអធិការដ្ឋានខណ្ឌទួលគោក ឃាត់ខ្លួនបន្ទាប់ពីចូលលួចកេះត្រីសាលម៉ុន ដែលគេផ្ញើតាមក្រុមហ៊ុនកាពីតូល នៅក្នុងមូលដ្ឋានសង្កាត់ទឹកល្អទី៣ ខណ្ឌទួលគោក ។
ជនសង្ស័យរូបនោះឈ្មោះ ឈាន រស្មី ហៅម៉ៅ ភេទប្រុស អាយុ៣៦ឆ្នាំ មុខរបរ មិនពិតប្រាកដ ស្នាក់នៅផ្ទះជួល សង្កាត់បឹងសាឡាង ខណ្ឌទួលគោក។ (មានផ្ទុកសារធាតុញៀន) ។
ចំណែកជនរងគ្រោះ ឈ្មោះ វន ជំនិត ភេទប្រុស អាយុ ៣៧ឆ្នាំ មុនរបរ បុគ្គលិកក្រុមហ៊ុនកាពីតូល ស្នាក់នៅផ្ទះលេខ៦៤ ផ្លូវលេខ២៤២ សង្កាត់វាលវង់ ខណ្ឌ៧មករា ។
តាមនគរបាលខណ្ឌទួលគោក បានអោយដឹងថា នៅថ្ងៃទី១៩ ខែសីហា ឆ្នាំ២០២៦ វេលាម៉ោង២២និង៥៥នាទីយប់ កម្លាំងអធិការដ្ឋានបានធ្វើការឃាត់ខ្លួនជនសង្ស័យ០១នាក់ នៅចំណុចផ្លូវលេខ១៨២ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ដែលបានប្រព្រឹត្តបទល្មើសនៅចំណុចផ្លូវលេខ២៧១ កែងនិងផ្លូវលេខ១៨២ ភូមិ១ ក្រុម១ សង្កាត់ទឹកល្អក់ទី៣ ខណ្ឌទួលគោល រាជធានីភ្នំពេញ។
បន្ទាប់ពីឃាត់ខ្លួនសមត្ថកិច្ចដករហូតកេះស្នោរ ត្រីសាលម៉ុន ពណ៌ស ចំនួន០១ (ជារបស់ជនរងគ្រោះ) ចាប់យកពីជនសង្ស័យខាងលើ។
បច្ចុប្បន្ន ជនសង្ស័យកំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីធ្វើការសាកសួរ និងចាត់ការបន្តតាមនីតិវិធី ៕
ចែករំលែកព័តមាននេះ