រាជធានីភ្នំពេញ ៖ បង្គោលភ្លើងលេខ១៦៤ និងមានប្រអប់កុងទ័រលេខ១០១C បានឆ្លងចរន្តអគ្គិសនីឆាបឆេះសន្ធោសន្ធៅបង្កឱ្យមានការភ្ញាក់ផ្អើលកាលពីវេលាម៉ោង៧ និង១០នាទីយប់ ថ្ងៃទី២១ មេសា ២០១៤ តាមមហាវិថីព្រះមុនីរ៉េត ភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ។
តាមប្រភពពីប្រជាពលរដ្ឋបានឱ្យដឹងថា មុនពេលកើតហេតុគេឃើញមានអណ្តាតភ្លើងចេញពីបង្គោលភ្លើងលេខ១៦៤ និងមានប្រអប់កុងទ័រលេខ១០១C ឆាបឆេះសន្ធោសន្ធៅ ឃើញដូចនេះប្រជាពលរដ្ឋដែលរស់នៅជិតនោះបាននាំគ្នាយកបំពង់ពន្លត់អគ្គិភ័យបាញ់អស់៦បំពង់ ខ្លះបាចដីខ្សាច់ និងមានការសហការពីអាជ្ញាធរមូលដ្ឋានផងទើបអណ្តាតភ្លើងរលត់អស់ទៅវិញភ្លាមៗ។
អគ្គិភ័យនេះខាងអគ្គិសនីកម្ពុជាបានឱ្យដឹងថា បណ្តាលមកពីឆ្លងចរន្តអគ្គិសនីធ្វើឱ្យឆាបឆេះខូចខាតអស់កុងទ័រចំនួន៦ទាំងស្រុង និងបណ្តាលឱ្យដាច់ចរន្តអគ្គិសនីផ្ទះប្រជាពលរដ្ឋដែលប្រើប្រាស់កុងទ័រទាំង៦៕
ចែករំលែកព័តមាននេះ