រាជធានីភ្នំពេញ ៖ បុរសម្នាក់រួមដំណើរជាមួយបុរសម្នាក់ទៀតបើកម៉ូតូស្មាសវី ក្នុងស្ថានភាពស្រវឹងទៅបុកជាមួយម៉ូតូវីវ៉ាជិះម្នាក់ឯងបណ្តាលឱ្យអ្នកជិះម៉ូតូវីវ៉ារបួសបែកក្បាលហើយសន្លប់ពេលដឹកដល់មន្ទីរពេទ្យ រីឯអ្នកជិះម៉ូតូស្មាសរបួស ធ្ងន់ស្រាល។ ហេតុការណ៏គ្រោះថ្នាក់ចរាចរណ៏នេះកើតឡើងនៅវេលាម៉ោង ១០និង០៥នាទី យប់ថ្ងៃ ទី២១ មេសា២០១៤ នៅចំណុចមុខ
រាជធានីភ្នំពេញ ៖ បុរសម្នាក់រួមដំណើរជាមួយបុរសម្នាក់ទៀតបើកម៉ូតូស្មាសវី ក្នុងស្ថានភាពស្រវឹងទៅបុកជាមួយម៉ូតូវីវ៉ាជិះម្នាក់ឯងបណ្តាលឱ្យអ្នកជិះម៉ូតូវីវ៉ារបួសបែកក្បាលហើយសន្លប់ពេលដឹកដល់មន្ទីរពេទ្យ រីឯអ្នកជិះម៉ូតូស្មាសរបួស ធ្ងន់ស្រាល។ ហេតុការណ៏គ្រោះថ្នាក់ចរាចរណ៏នេះកើតឡើងនៅវេលាម៉ោង ១០និង០៥នាទី យប់ថ្ងៃ ទី២១ មេសា២០១៤ នៅចំណុចមុខក្រសួងធនធានទឹក តាមបណ្តោយផ្លូវព្រះមុនីវង្ស សង្កាត់ផ្សារដ់ើមថ្កូវ ខណ្ឌចំការមន ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនកើតហេតុគេឃើញម៉ូតូស្មាសវី ពណ៌ខ្មៅពាក់ស្លាកលេខកំពង់ចាម1J-2540 ជិះគ្នា០២នាក់តាមផ្លូវព្រះមុនីវង្សពីជើងទៅត្បូង(ជិះខុសផ្លូវ) ក្នុងស្ថានភាពស្រវឹងស្រាប់តែមកដល់កន្លែងកើតហេតុក៏បានជិះមកបុក ម៉ូតូវីវ៉ា ពណ៌ខ្មៅពាក់ស្លាកលេខភ្នំពេញ 1AE-6135 ជិះដោយបុរសម្នាក់ក្នុងទិសដៅបញ្រ្ចាសគ្នា ពីត្បូងទៅជើង បណ្តាលឱ្យអ្នកជិះម៉ូតូវីវ៉ា បែកក្បាលហើយសន្លប់ពេលបញ្ចូនដល់មន្ទីរពេទ្យ ចំណែក០២នាក់ជិះម៉ុតូស្មាសទៅបុកគេរងរបួសធ្ងន់និង ស្រាល ។
ក្រោយពេលកើតហេតុគេឃើញតំណាងភាគីទាំង០២សម្រួលគ្នា ចំណែកអ្នករងរបួសត្រូវបានគេបញ្ជូនទៅសង្រ្គោះនៅមន្ទីរពេទ្យ។
ចែករំលែកព័តមាននេះ